Ալիևի հրամանով Ադրբեջանում ստեղծվել են Արևելյան Զանգեզուրի ու Ղարաբաղյան տնտեսական շրջաններ. դրանում ընդգրկված է նաև Ստեփանակերտը

Լուրեր

29.03.2024 | 12:47
Դատավորները ժողով են հրավիրել․ օրակարգում կարևոր հարցեր են
29.03.2024 | 12:42
Հորն առերևույթ բռնության ենթարկելու, հարևան կանանցից մեկին սպանելու, մյուսի նկատմամբ սպանության փորձ կատարելու համար մեղադրանք է ներկայացվել 40–ամյա տղամարդուն․ նա տեղափոխվել է հոգեկան առողջության կենտրոն
29.03.2024 | 12:34
Սուրբ Զատկի տոնին ընդառաջ, ՍԱՏՄ-ն վերահսկողություն է իրականացնում ձվի արտադրությամբ զբաղվող կազմակերպություններում և իրացման շուկայում
29.03.2024 | 12:27
«Երևանի ավտոբուս» ՓԲԸ տնօրենն աշխատանքից ազատման դիմում է ներկայացրել
29.03.2024 | 12:15
Հայտնաբերվել է Քրեական օրենսգրքի մի շարք հոդվածների մեղադրանքով հետախուզվողը
29.03.2024 | 12:04
Խուզարկություններ՝ Սեֆիլյանի և ԱԺԲ-ականների բնակարաններում, ՀՀ-ն՝ ԵՄ հավաքի հյուր․ ԼՈՒՐԵՐ
29.03.2024 | 12:01
Ադրբեջանի Մեջլիսի նախագահը՝ Ժնևում Ալեն Սիմոնյանի հետ հանդիպման մասին
29.03.2024 | 11:51
ՌԴ-ն հրթիռներով և անօդաչու սարքերով հարձակվել է Ուկրաինայի վրա. «Ուկրէներգոն» հայտարարել է էներգետիկ օբյեկտների վնասման մասին
29.03.2024 | 11:40
Սևաստոպոլում ռուսական կործանիչ է ընկել ծովը․ ՏԵՍԱՆՅՈՒԹ
29.03.2024 | 11:31
Օդային ճանապարհով փորձ է արվել ՀՀ ներմուծել առանց հայտարարագրման բջջային հեռախոսներ
29.03.2024 | 11:20
NYMEX. Թանկարժեք մետաղների գներն աճել են
29.03.2024 | 10:56
Տարածաշրջանում խառնաշփոթը պայմանավորված է ՌԴ-ի գործողություններով․ Միլլերը՝ Զախարովային ի պատասխան
29.03.2024 | 10:40
Արգելվում է Սոլովյովի հաղորդումների հեռարձակումը ՀՀ-ում` հանրային մուլտիպլեքսի միջոցով
29.03.2024 | 10:35
Որքանո՞վ է հավանական, որ Հայաստանը դառնա ԵՄ անդամության թեկնածու․ զրույց դեսպան Վասիլիս Մարագոսի հետ
29.03.2024 | 10:29
ՔԿ-ն խուզարկում է Ժիրայր Սեֆիլյանի բնակարանում և ԱԺԲ-ի հետ փոխկապակցված 40-ից ավելի հասցեներում
Բոլորը

Ադբեջանի նախագահ Իլհամ Ալիևը հրամանագիր է ստորագրել երկրի տնտեսական շրջանների նոր բաժանման մասին։ Տեղական լրատվամիջոցների հաղորդմամբ՝ նոր բաժանումը ենթադրում է 14 տնտեսական շրջաններ՝ նախկին 11-ի փոխարեն։ Տնտեսական շրջաններն են՝ Բաքվի, Նախիջևանի, Ապշերոն-խիզինի, Լեռնային Շիրվան, Գյանջա-Դաշքեսան, Ղարաբաղյան, Գազախ-Թովուզի, Գուբա-Խաչմազի, Լենքորան-Աստարայի, Կենտրոնական Արան, Միլ-Մուղանի, Շեքի-Զաքաթալայի, Արևելյան Զանգեզուրի, Շիրվան- Սալյանի։

Ավելացել են 3 նոր տնտեսական շրջաններ, որոնցից երկուսն ընդգրկում են պատերազմի արդյունքում Ադրբեջանի վերահսկողության տակ անցած տարածքները։ Դրանք են՝ Ղարաբաղյան ու Արևելյան Զանգեզուրի գոտիները։ Ադրբեջանի մայրաքաղաք Բաքուն էլ դարձել է առանձին տնտեսական շրջան։

Արևելյան Զանգեզուրի տնտեսական շրջանը ներառում է Ջաբրայիլի, Քարվաճառի, Կուբաթլուի, Լաչինի ու Զանգելանի գրավյալ շրջանները, որոնք պատերազմի հետևանքով հայտնվել են ադրբեջանական հսկողության տակ։ Փաստաթղթում նշվում է, որ այս 5 շրջանները մեկ տնտեսական գոտում միավորելը պայմանավորված է նրանով, որ դրանք երկար տարիներ գտնվել են Զանգեզուրի նահանգի կազմում։

Ղարաբաղյան տնտեսական շրջանի կազմում են Աղդամի, Շուշիի, Ֆիզուլիի, Տերտերի, Մարտունու, Ասկերանի շրջաններն ու Արցախի մայրաքաղաք Ստեփանակերտը։ Թե ինչպես են Ադրբեջանի իշխանությունները պատրաստվում գործունեություն ծավալել Արցախի Հանրապետության՝ հայկական վերահսկողության տարածքներում, Ալիևի հրամանագրում չի նշվում։

Փոխարենը ասվում է․ «Կարևոր է Ղարաբաղյան տնտեսական շրջանի ստեղծումը՝ դրա վերականգման ու այդ տարածաշրջանի արագ զարգացման ապահովման համար»։

Ի դեպ, այսօր հայտնի է դարձել, թե երբ են պատրաստվում Ադրբեջանի իշխանությունները բնակեցնել Արցախի գրավյալ տարածքում առաջին գյուղը․ Զանգելանի շրջանի «խելացի գյուղը» պատրաստ է լինելու 2022թ-ի հունվարին։ Այս մասին հայտարարել է Ադրբեջանի ԱԳ փոխնախարար էլնուր Մամեդովը։

««Ազատագրված տարածքներում» մեկնարկել է «խելացի քաղաքների» ու «խելացի գյուղերի» շինարարությունը։ Սպասվում է, որ հաջորդ տարվա հունվարին Զանգիլանի «խելացի գյուղը» պատրաստ կլինի։ Այդ շրջաններում նաև կառուցվում են միջազգային օդանավակայաններ։ Ինչպես հայտնի է՝ շարունակվում է Ֆիզուլիի օդանավակայանի կառուցումը։ Սպասվում է, որ բացումը տեղի կունենա այս տարվա սեպտեմբերի 5-ին»,- ասել է Մամեդովը։

Էմմա Չոբանյան