Քաղաքականություն
06.07.2021 | 22:49
Հնդկաստանում կորոնավիրուսի դեմ պատվաստման անվան տակ ֆիզլուծույթ են ներարկել մարդկանց։ Նման «պատվաստման» զոհ են դարձել հազարավոր մարդիկ, հայտնում է CNN-ը։
Նշվում է, որ կեղծ պատվաստանյութերի վաճառքի սխեմայում ներգրավված են եղել բուժաշխատողներ։ Մումբայի ոստիկանության վարչության ներկայացուցիչ Վիշալ Թակուրը հայտնել է, որ քաղաքում և դրա հարակից շրջաններում հայտնաբերվել է առնվազն 12 կեղծ պատվաստումների կենտրոն։
Ոստիկանության տվյալների համաձայն՝ շուրջ 2500 մարդ կեղծ պատվաստում է ստացել, իսկ կազմակերպիչները 28․000 դոլար են աշխատել։
«Մենք ձերբակալել ենք բժիշկների։ Նրանք օգտագործում էին կլինիկան, որը պատրաստում էր կեղծ վկայականներ, սրվակներ, ներարկիչներ»,- հավելել է Թակուրը:
Մինչ օրս 14 մարդ է ձերբակալվել խարդախության, սպանության փորձի, դավադրության և այլ մեղադրանքների կասկածանքով:
Հիշեցնենք, որ անցած շաբաթ Հնդկաստանում կորոնավիրուսից մահացությունների թիվը գերազանցել է 400 հազարը:
Տաթև Ֆռանգյան
