18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Մենք խոսում ենք իշխանության պարտավորությունների շրջանակի մասին․ Արթուր Սաքունցը՝ քաղհասարակության ուղերձի մասին
Քաղաքականություն
06.07.2021 | 15:28
Արտահերթ խորհրդարանական ընտրությունների արդյունքներից հետո քաղհասարակությունը դիմել է ընտրողների մեծամասնության քվեն ստացած իշխանություններին. երկրի առջև ծառացած մի շարք խնդիրներից ընդգծել են առաջնայինները և առաջարկել շուտափույթ լուծել դրանք՝ հետագայում նոր խնդիրներից խուսափելու համար։
«Այս ուղերձում առաջարկում ենք հրատապ խնդիրների և համակարգային խնդիրների հստակ լուծումներ»,- այս մասին «Քաղաքացիական հասարակությունը՝ Հայաստանի առաջնահերթ մարտահրավերների մասին. ի՞նչ լուծումներ են առաջարկվում» թեմայով մամուլի ասուլիսի ժամանակ նշեց Հելսինկյան քաղաքացիական ասամբլեայի Վանաձորի գրասենյակի նախագահ Արթուր Սաքունցը:
«Իշխանությունը պարտավարություններ ունի, մենք խոսում ենք իշխանության պարտավորությունների շրջանակի մասին. քաղհասարակության կողմից ներկայացվում է այդ պարտավորությունների շրջանակում կատարվելիք խնդիրների մի ամբողջ փունջ, բայց բոլոր ոլորտներում առկա խնդիրները չէ, որ ներառված են, օրինակ՝ տնտեսության, էներգետիկայի և այլն»,- նշեց Սաքունցը:
Նրա խոսքով՝ Հայաստանում խարխլված է ներքին անվտանգությունը. «Իրավական համակարգը պետք է անվտանգության երաշխավորում ապահովի՝ շնորհիվ իշխանությունների տարանջատման և փոխզսպման սկզբունքի: Երբ որ դա չի ապահովվում, համակարգային փոփոխությունների իրականացման լուրջ խնդիրներ ենք ունենում:
«Ըստ էության՝ թե արտաքին անվտանգության ու արտաքին հարաբերությունների, թե՛ կրթության, թե՛ իրավապահ համարագի բարեփոխումների հիմքում տեսնում ենք միջազգային իրավունքը և միջազգային կառույցների հետ համագործակցությունը»,- նշեց Սաքունցը: Նա նաև ընդգծեց, որ իշխանության առաջին կարևոր պարտավոնրությունն է հրապարակավ ներկայացնել, թե ինչն իրեն չի հաջողվել և ինչու չի հաջողվել»:
Մանրամասները՝ տեսանյութում:
