24.08.2026 | 18:47
Իրանը հերքում է Մեքքայի պաշտպանական համաձայնագրին միանալու հրավեր ստանալու տեղեկությունը
Աֆղանստանում իրավիճակի սրման ֆոնին ռուսական ուղղաթիռները մասնակցել են Տաջիկստանում անցկացվող զորավարժություններին
Քաղաքականություն
06.07.2021 | 20:57
Աֆղանստանում իրավիճակի սրման պատճառով Տաջիկստանում տեղակայված ռուսական ռազմաբազայի Ми-24 և Ми-8МТВ5-1 ռազմական ուղղաթիռները վարժանքներ են իրականացրել՝ հրթիռների արձակմամբ։ Այս մասին հայտնում է «Gazeta»-ն՝ հղում անելով Կենտրոնական ռազմական օկրուգի մամուլի ծառայությանը։
Բացի այդ, վարժանքներին ներգրավվել են թռիչքի անձնակազմի, ինժեներա-տեխնիկական անձնակազմի, ինչպես նաև օժանդակության և թռիչքի կառավարման խմբի մոտ 100 զինծառայողներ:
«Թալիբան» ահաբեկչական կազմակերպության կողմնակիցների հետ մարտերից հետո աֆղան զինծառայողները հարկադրված են եղել փախչել Տաջիկստան։ Հանրապետության տարածք են անցել արդեն հազարից ավելի աֆղանական բանակի զինվորականներ։ Լարված իրավիճակի կապակցությամբ Մոսկվան հաստատել է Դուշանբեին օգնելու պատրաստակամությունը՝ զինյալների կողմից սպառնալիքի առաջացման դեպքում։
Ավելի վաղ հայտնի էր դարձել, որ «Թալիբան»-ը մտադիր է Աֆղանստանից ԱՄՆ զորքերի դուրսբերումից հետո հաշտություն կնքել իշխանական ուժերի հետ։
Տաթև Ֆռանգյան
