18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Պուչդեմոնը ալտերնատիվ թեկնածու է առաջադրել Կատալոնիայի ղեկավար պոստում
Քաղաքականություն
02.03.2018 | 11:13
Ժեներալիտետի նախկին առաջնորդ Կառլես Պուչդեմոնը հրաժարվել է Կատալոնիայի կառավարությունը ղեկավարելուց՝ հօգուտ բանտում գտնվող քաղաքական գործիչ Ժորդի Սանչեսի: Այս մասին նա հայտարարել է Բրյուսելից արված իր ուղերձում. տեղեկացնում է ria.ru-ն:
«Հնարավոր է, որ Ժորդին ավելի շատ է ներկայացնում «Միասին հանուն Կատալոնիայի» (Պուչդեմոնի ղեկավարած կոալիցիան) կոալիցիայի արժեքները, քան որևէ այլ մեկը։ Նա խաղաղ մարդ է, որ անօրինաբար ազատազրկվել է»,– հայտարարել է նա իր տեսաուղերձում:
Պուչդեմոնը հավելել է՝ «մոտ օրերս կհավաքի կատալոնյան խորհրդարանի անդամներին հանդիսավոր ժողովի, որպեսզի նոր փուլ սկսի և հանրապետության Խորհուրդ հիմնի, որ կտանի իրական անկախության ճանապարհով»։
