Քաղաքականություն
05.07.2021 | 15:19Պետական մի շարք պաշտոնյաներ նախագահ Արմեն Սարգսյանի հրամանագրերով ստացել են կոչումներ և դասային աստիճաններ։ Գեներալ-մայորի կոչում են ստացել ռազմական ոստիկանության պետ Աշոտ Զաքարյանը, Ազգային անվտանգության ծառայության տնօրեն Արմեն Աբազյանը և ԱԱԾ պետական պահպանության ծառայության պետ Սարգիս Հովհաննիսյանը։
—
Նախագահի հրամանագրով արդարադատության երրորդ դասի պետական խորհրդականի դասային աստիճան են ստացել գլխավոր դատախազի տեղակալներ Արմեն Աֆանդյանը, Սրբուհի Գալյանը և Գևորգ Բաղդասարյանը։
—
Ռուսաստանի հայաշատ Սոչի քաղաքում հեղեղումներ են եղել։ Համացանցում են հայտնվել քաղաքի թաղամասերի, օդանավակայանի թռիչքուղու հեղեղման կադրեր։ Խորոտա և Մացեստա գետերի ջրի մակարդակը հասել է կրիտիկականի, բնակիչներին խնդրել են հավաքել փաստաթղթերն ու անհրաժեշտ իրերը՝ հնարավոր տարհանմանը պատրաստ լինելու համար։
