19.11.2024 | 13:41
Կոշիկների խանութներում ավելի շատ են զեղչեր անում, քան դուք՝ դպրոցականներին ու ուսանողներին․ Զարոկյան․ ՏԵՍԱՆՅՈՒԹ
Հայաստանի օլիմպիական թիմը համալրվեց ևս երկու մարզիկով
02.07.2021 | 13:27
Հայաստանի օլիմպիական հավաքականը համալրվել է ևս երկու մարզիկով> այս մասին հայտնում է ՀԱՕԿ-ը:
Ջրային մարզաձևերի միջազգային ֆեդերացիան Հայաստանի ազգային օլիմպիական կոմիտեին պաշտոնապես տեղեկացրել է Տոկիոյի օլիմպիական խաղերում Հայաստանից երկու լողորդների մասնակցության մասին:
Արթուր Բարսեղյանը հանդես կգա 50 և 100 մետր ազատ, իսկ Վարսենիկ Մանուչարյանը ՝ 100 մետր ազատ լողաոճերում:
Հայաստանն Օլիմպիական խաղերում ներկայացնելու ուղեգիր նվաճել էին` հունահռոմեական ոճի ըմբիշներ Արմեն Մելիքյանը (60 կգ), Կարեն Ասլանյանը (67 կգ), Կարապետ Չալյանը / 77 կգ /, Արթուր Ալեքսանյանը / 97 կգ /, ազատ ոճայիններ Արսեն Հարությունյանը / 57 կգ / Վազգեն Թևանյանը / 65 կգ /, բռնցքամարտիկներ Կորյուն Սողոմոնյանը / 52 կգ / , Հովհաննես Բաչկովը / 63կգ / Արման Դարչինյանը / 75 կգ /, սպորտային մարմնամարզիկ Արթուր Դավթյանը, հրաձգուհի Էլմիրա Կարապետյանը, ծանրորդներ Իզաբելա Յայլյանը / 59 կգ /, Սիմոն Մարտիրոսյանը / 109կգ / , ձյուդոիստ Ֆերդինանդ Կարապետյանը / 73 կգ/, լողորդներ Արթուր Բարսեղյանը, Վարսենիկ Մանուչարյանը, եռացատկորդ Լևոն Աղասյանը:
