09.06.2026 | 12:43
Թրամփը հայտարարել է, որ Իրանի հետ գործարքը կարող է կնքվել «երկու կամ երեք օրից»
Եթե Հայկ Մարությանը լավ է աշխատել, թող մնա, եթե ոչ՝ պետք է հեռանա. Արմեն Խաչատրյան․ ՏԵՍԱՆՅՈՒԹ
Քաղաքականություն
01.07.2021 | 19:11
Հայկ Մարությանը ընտրվել է քաղաքական ուժի ունեցած լեգիտիմության և բարձր հեղինակության հաշվին: Եթե Արայիկ Հարությունյանն ասում է, որ նա չի սատարել քաղաքական ուժին, ապա տարօրինակ է, թե ինչպես կարող է մարդը տվյալ քաղաքական ուժով գալ, այնուհետև չսատարել այդ քաղաքական ուժին: Այս մասին այսօր՝ հուլիսի 1-ին, լրագրողների հետ զրույցում ասաց «Իմ քայլը» խմբակցության պատգամավոր Արմեն Խաչատրյանը:
«Պետք է գնահատական տալ Հայկ Մարությանի գործունեության արդյունավետության վերաբերյալ, եթե Հայկ Մարությանը լավ է աշխատել, թող մնա, եթե ոչ՝ պետք է հեռանա»,- նշեց Խաչատրյանը՝ հավելելով, որ ինքը տեսնում է և՛ փոփոխություններ, և՛ մի շարք թերացումներ»:
Իմքայլական պատգամավորն անդրադարձավ նաև Հայկ Մարությանի հրամանով վերջին օրերին ապօրինի շինությունների ապամոնտաժումներին. «Ողջունում եմ ապամոնտաժման քայլը: Բայց ես զարմանում եմ, թե այդքան տաղավարներ ինչպես են առաջացել և հանկարծ մեկ օրում դրանք նկատեցին և սկսեցին ակտիվ պայքար մղել դրանց դեմ: Նախևառաջ պետք է հենց սկզբում կանխարգելվեր այդ ապօրինի շինությունների կառուցումը»,- ասաց Արմեն Խաչատրյանը:
Նա ևս մեկ անգամ ընդգծեց, որ քաղաքապետի գործունեության մեջ տեսնում է բազմաթիվ թերացումներ. «Ես Հայկ Մարությանի ուսուցիչը չեմ, չեմ ցանկանում գնահատական տալ, բայց առաջիկայում կհնչեցնեմ, ես ուզում եմ, որ գնահատականները հնչեն օբյեկտիվ ուսումնասիրությունների հիման վրա»,- նշեց Խաչատրյանը:
Մանրամասները՝ տեսանյութում:
