03.02.2026 | 17:05
Ոստիկանությունում քաղաքացուն խոշտանգելու ահազանգ․ ՆԳՆ-ն կասեցրել է օպերատիվ ծառայողի լիազորությունները
Համակարգային խնդիրները, որ գոյություն ունեին 2018թ․-ին, ցավոք, մնում են նաև հիմա և մեր օրակարգում են. Սաքունց. ՏԵՍԱՆՅՈՒԹ
Քաղաքականություն
01.07.2021 | 16:34
Համակարգային խնդիրները, որ գոյություն ունեին 2018թ., ցավոք, մնում են նաև հիմա և մեր օրակարգում ե: Այս մասին այսօր «Իշխանություն-հասարակություն հնարավոր համագործակցության ձևաչափ» թեմայով քննարկման ժամանակ նշեց Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը:
«Ամենից կարևորն այն է, որ ընտրություն տեղի ունեցավ. ընտրությունները կայացել են»,- նշեց Արթուր Սաքունցը՝ հավելելով, որ մինչ ընտրություններն ընկած ժամանակահատվածում առանց ընտրության իշխանության փոփոխության հարցն էր դրված, և հանրությունը չընդունեց այդ տարբերակը:
«Ամենակարևորն այն է, որ պետության կառավարման ինստիտուտը հերթական անգամ կազմավորվեց ընտրությունների միջոցով: Սա կարևոր քայլ է այն առումով, որ ՀՀ-ում պետք է գործեն ժողովրդավարության մեխանիզմները: Բայց ընտրությունները ժողովրդավարության ընդամենը մեկնակետն են:
Փորձը ցույց է տալիս, որ դեռևս չենք կարողացել ինստիտուցիոնալացնել ժողովրդավարական մեխանիզմները, քաղաքական գնահատական չտրվեց պետության զաթմանը…
Խնդիրները բովանդակային առումով չլուծվեցին, հետևանքը եղավ այն, որ հիմա արտահերթ ընտրությունների արդյունքում այն ուժերը, որոնք պատասխանատու էին անպատժելի կառավարման համար, մնացին անպատիժ»,- նշեց Սաքունցը:
Մանրամասները՝ տեսանյութում:
