09.12.2025 | 23:31
Եվրոպական հանձնաժողովը հետաքննություն է սկսել Google-ի դեմ
Պատկերը կփոխվի, եթե իշխանությունը դադարի թափահարել 54%-ի դրոշը և հասկանա, որ լուրջ խնդիրներ ունի․ Բորիս Նավասարդյան. ՏԵՍԱՆՅՈՒԹ
Քաղաքականություն
01.07.2021 | 16:32
«Հեղափոխությունը բավականին լուրջ հույսեր արթնացրեց, բայց այս երեք տարիների ընթացքում քաղաքացիական հասարակությունը մտավ բավականին լուրջ ճգնաժամի մեջ: Մեզ մոտ քաղհասարակության բնույթն այնպիսին էր, որ այն արդյունավետ է, երբ հստակ հակադրվում է իշխանությանը: Հենց չի հակադրվում, կորցում է իր ազդեցությունը, մանավանդ իշխանությունն էլ հակված չէ մեծ տեղ հատկացնել քաղհասարակությանը»,- այսօր «Իշխանություն-հասարակություն հնարավոր համագործակցության ձևաչափ» թեմայով քննարկման ժամանակ այս կարծիքը հայտնեց Երևանի մամուլի ակումբի նախագահ Բորիս Նավասարդյանը:
Նրա խոսքով՝ կարևոր ինստիտուտների գործառույթների հետ կապված պատկերը կարող է փոխվել միայն իշխանության քաղաքական կամքի առկայության դեպքում:
«Եթե իշխանությունները դադարեն թափահարել 54 տոկոսի դրոշը, այլ հասկանան, որ լուրջ խնդիրներ ունեն և այդ խնդիրները հաղթահարելու ներքին հնարավորությունները սահմանափակ են, մասնակցային դարձնելով որոշումների կայացման գործընթացը, միայն այդ դեպքում կարող են իրականացնել այն բարեփոխումները, որոնք անհրաժեշտ են այսօր երկրին: Եվ դա պետք է անել շատ արագ»,- ընդգծեց Նավասարդյանը:
Մանրամասները՝ տեսանյութում:
