11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
ԱՀԿ-ն «սև բորբոս» հիվանդության տարածումը կանխելու խորհուրդներ է տվել
Քաղաքականություն
01.07.2021 | 15:16
ԱՀԿ-ն խորհուրդ է տալիս նվազագույնի հասցնել հորմոնալ դեղերի և հակաբիոտիկների օգտագործումը COVID-19 հիվանդության թեթև և միջին ընթացքի դեպքում, որպեսզի հիվանդը չվարակվի «սև բորբոսի» հետ կապված սնկային ինֆեկցիայով: Այս մասին «ՌԻԱ Նովոստիին» ասել է Ռուսաստանում կազմակերպության ներկայացուցիչ Մելիտա Վույնովիչը:
Նա բացատրել է, որ Հնդկաստանում COVID-19-ով հիվանդների մոտ հայտնաբերված սնկային վարակների մի մասը կարող է կապված լինել խմորիչի հետ, իսկ մյուս մասը՝ բորբոսի։ Իր հերթին, բորբոսը կարող է առաջացնել ինֆեկցիաներ, ինչպիսիք են մուկորմիկոզը («սև բորբոս») և ասպերգիլյոզը (առաջացած մեկ այլ տեսակի բորբոսից):
«Այս խմորիչներն ու բորբոսը սովորաբար առկա են շրջակա միջավայրում, բայց ազդում են թույլ իմունային համակարգ ունեցող մարդկանց վրա, ինչպիսիք են շաքարախտը կամ այլ քրոնիկ հիվանդությունները, քաղցկեղով հիվանդները կամ երկար ժամանակ որոշակի դեղեր ընդունած մարդիկ և, իհարկե, COVID-19-ը, որը թուլացնում է նաև իմունային համակարգը»,- ասել է ԱՀԿ ներկայացուցիչը։
Վույնովիչը նշել է, որ ԱՀԿ-ն խորհուրդ է տալիս «նվազագույնի հասցնել կորտիկոստերոիդների և հակաբիոտիկների անհամաչափ օգտագործումը հիվանդության թեթև ու միջին ծանրության դեպքերում»: Նա բացատրել է, որ կորտիկոստերոիդները ծանր դեպքերում իսկապես կյանքեր են փրկում, բայց դրանց զանգվածային օգտագործումը կարող է սնկային ինֆեկցիաների պատճառ դառնալ:
Տաթև Ֆռանգյան
