Թուրքիան խախտում է Ռուսաստանի ազդեցության ոլորտը՝ թափանցելով ՌԴ թյուրքալեզու երկրներ․ փորձագետ

Թուրքիայի աճող ազդեցությունն ու ընդլայնումը Կասպյան տարածաշրջանում և դրա սահմաններից դուրս արդյունավետ կերպով ոտքը դնում է Ռուսաստանի մատների վրա, որտեղ բնակվում են մեծ թվով թուրքալեզու փոքրամասնություններ։ Այս մասին գրում է Հյուսիսային Կովկասի հարցերով փորձագետ Ասլան Դուկաևը, փոխանցում է «Ահվալ» գործակալությունը։

Փորձագետը, նշելով Ադրբեջանի հետ Թուրքիայի խորացող համագործակցությունն և այս ամսվա սկզբին երկու երկրների միջև ստորագրված «Շուշիի հռչակագիրը», գրում է, որ Անկարայի աճող ազդեցությունը, ըստ երևույթին, կտարածվի էթնիկ առումով մոտ գտնվող թուրքական փոքրամասնությունների վրա, որոնք ՌԴ մաս են կազմում, ինչպես, օրինակ, Թաթարստանը։

«Շուշիի հռչակագիրն» էլ, որը ստորագրվել է  Թուրքիայի նախագահ Ռեջեփ Թայիփ Էրդողանի ու իր ադրբեջանցի գործընկերոջ՝ Իլհամ Ալիևի միջև կենտրոնանում է պաշտպանական ոլորտում համագործակցության վրա։

Դուկաևը, վկայակոչելով թուրքական պետական «Անադոլու» գործակալության՝ 2020 թվականի հոկտեմբերի զեկույցը, գրում է, որ թուրքական ընկերությոնները 2 մլրդ դոլարի ներդրում են արել Թաթարստանում։

Փորձագետը նշում է, որ ավելի փոքր թյուրքալեզու երկրները, որոնք կազմում են Հյուսիսային Կովկասի բնակչության 10 տոկոսը, հիացմունքով են հետևում Անկարայի ռազմական ու քաղաքական ձեռքբերումներին։

«Վերջին տասնամյակներում չեչենները՝ ռուսներից հետո Հյուսիսային Կովկասում ամենամեծ էթնիկ խումբը, նույնպես ձգվում են դեպի Թուրքիա, չնայած նրանք թյուրքալեզու չեն»,- գրում է փորձագետը՝ նշելով մեծ հետաքրքրությունը, օրինակ, թուրքական սերիալների նկատմամբ, որոնք երկրի ամենաշատ արտահանվող «ապրանքներից» է և միջազգային «փափուկ ուժի» գործիք։

«Թուրքիայի հնարավոր կենտրոնացումը Հյուսիսային Կովկասում, հավանաբար, կտարածվի տնտեսական հետքի ընդլայնմամբ»,- համարում է Դուկաևը։

Ըստ ըստ նրա՝ երկիրն «արտահանում է մասսայական մշակույթն ու կրթական համակարգը» և առաջարկում կրոնական ուսուցում իսլամանական հաստատություններում։ Հյուսիսային Կովկասը Ռուսաստանի ամենաղքատ շրջաններից է, որն այդպիսի համագործակցությունից միայն կշահի։

Էմմա Չոբանյան