24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Մյուս անգամ չեմ ընտրվի, իմ գլուխը ասֆալտի վրա կջնջխեք. ԱԺ-ն քննարկում է ինքնակամ կառույցների հարցը. Աղազարյան. ՏԵՍԱՆՅՈՒԹ
Քաղաքականություն
30.06.2021 | 17:19
«Շատ տգեղ ու վիրավորական է, մանավանդ երբ դու ներկայացնում ես իշխանություն, քայլում ես փողոցով, ու մարդիկ նայում են քեզ ու հայացքով ցույց են տալիս այն կառույցը, որն արդեն մտել է փողոցի մեջտեղը, ասում են՝ դու ո՞վ ես, քեզնից ի՞նչ ես ներկայացնում»,- այս մասին այսօր Ազգային ժողովի արտահերթ նիստում համայնքային և պետական հողերի վրա ինքնակամ կառույցի օրինականացումն արգելող նախագծի քննարկման ժամանակ նշեց «Իմ քայլը» խմբակցության պատգամավոր Հովիկ Աղազարյանը:
«Ես մի անգամ ասացի այդ տղաներից մի քանի հոգու, որ մյուս անգամ ես չեմ ընտրվի, դուք իմ գլուխը այս ասֆալտի վրա կջնջխեք, ես գիտեմ, բայց դա ինձի չի հետաքրքրում, սա պետք է քանդվի»,- նշեց պատգամավորը՝ հավելելով, որ որոշ իրավաբաններ ինքնակամ կառույց բառերը այնպիսի գեղեցիկ տոնայնությամբ են օգտագործում, կարծես դրական երևույթ է։
«Եթե իշխանության կողմից վերջին միջամտությունները չլինեին, մենք Երևանը կարճ ժամանակում կորցնելու էինք, ամբողջությամբ պատվելու էր ինքնակամ կառույցներով, հետո էլ մտածելու էինք՝ ինչ անեինք»,- ընդգծեց Աղազարյանը:
Մանրամասները՝ տեսանյութում:
