14.01.2026 | 19:29
Պապիկյանը հետևել է սպայական կազմերի ատեստավորման գործընթացի կրակային փուլին
Իշխանությունն անունը դրեց «թավշյա մանդատ»՝ իր անկարողությունն ու անբանությունը քողարկելու համար. Սոֆյա Հովսեփյան. ՏԵՍԱՆՅՈՒԹ
Քաղաքականություն
30.06.2021 | 16:50
«Շատ կցանկանամ, որ ԱԺ եկող նոր ձևավորված խումբը գիտակցի, թե ինչի համար է ԱԺ-ում , և մասնավորապես իշխանությունը գիտակցի, թե ինչու է երկրորդ անգամ մանդատ ստացել, բայց կարծում եմ՝ երեք տարիների փորձը նրանց ոչ մի բան չտվեց, նրանք շարունակաբար նախկիններին են մեղադրել, հիմա բոլորը հավաքվել են մեկ տեղում, և չեմ կարծում,թե այնքան զսպվածություն կունենան, որ մեկմեկու չեն մեղադրի ու չեն վիրավորի»,- այս մասին Factor.am-ի հետ զրույցում նշեց ԱԺ պատգամավոր Սոֆյա Հովսեփյանը՝ անդրադառնալով հարցին, թե որքանով են նոր խորհրդարնում քննարկումներն ընթանալու արդյունավետ և ի շահ պետության:
Պատգամավորի խոսքով՝ խելացի ընդդիմությունը չի տրվի իշխանության մանիպուլյացիաներին ու ինտրիգներին, քանի որ իրենց անգործությունները, անբանություններն ու անկարողությունները նրանք նորից վերագրելու են ընդդիմությանը:
Անդրադառնալով դիտարկմանը, որ քարոզարշավի ժամանակ Նիկոլ Փաշինյանը քաղաքացիներին խնդրում էր «թավշյա մանդատի» փոխարեն իրեն «պողպատե մանդատով» օժտել, Հովսեփյանը նշեց. «Հասարակությունը չէր տվել «թավշյա մանդատ», Իշխանությունն անունը դրեց «թավշյա մանդատ»՝ իր անկարողությունը քողարկելու համար: Հասարակությունն ամենևին չէր ակնկալում ամենաթողություն, անկարողություն և չէր ակնկալում, որ երկիրը քաոսային վիճակի կբերվի: «Թավիշի» տակ իրենց անբանությունը քողարկվեց»:
Մանրամասները՝ տեսանյութում:
