26.04.2026 | 18:54
Գերմանիայում հետաքննում են ընդդեմ Բունդեսթագի կազմակերպված ֆիշինգային հարձակումները՝ Signal-ի միջոցով
Նյու Յորքի նախկին քաղաքապետին մեղադրում են Թուրքիայի օգտին լոբբիստական գործունեության մեջ․ Bloomberg
Քաղաքականություն
30.06.2021 | 16:31
Նյու Յորքի նախկին քաղաքապետ Ռուդի Ջուլիանիի նկատմամբ արդարադատության դեպարտամենտի կողմից հետաքննություն է սկսվել՝ Թուրքիայի և Ուկրաինայի օգտին լոբբիստական գործունեություն ծավալելու համար, գրում է Bloomberg-ը՝ վկայակոչելով սեփական լավատեղյակ աղբյուրներին։
Ջուլիանիին, որը եղել է ԱՄՆ նախկին նախագահ Դոնալդ Թրամփի խորհրդականն ու Նյու Յորքի քաղաքապետը, պետք է պատասխանի հարցերին՝ արդյո՞ք գործել է՝ ելնելով Թուրքիայի շահերից, երբ 2017 թվականին հորդորել է Թրամփի վարչակազմին հանել ոսկու վաճառքով զբաղվող Ռեզա Զարեբին առաջադրված փողերի լվացման մեղադրանքները, ինչպես նաև արտահանձնել Թուրքայում հեղափոխություն փորձի մեջ մեղադրվող հոգևորական Ֆեթուլլահ Գյուլենին։
Bloomberg-ը նշում է, որ ի շահ Ուկրաինայի լոբբիստական գործունեության առնչությամբ հետաքննության շրջանակում Անվտանգության դաշնային բյուրոն բազմաթիվ էլեկտրոնային սարքավորումներ է առգրավել Ջուլիանիի նյույորքյան տնից։
Չնայած այս ամենին՝ Ջուլիանին հերքում է Ուկրաինայի և Թուրքիայի օգտին լոբբիստական գործունեություն ծավալելու մեղադրանքները, միաժամանակ, իշխանությունները նախկին քաղաքապետին չեն մեղադրել հետաքննության հետ կապված անօրինությունների մեջ:
Ըստ պարբերականի՝ եթե ապացուցվի, որ Ջուլիանին օտար պետության շահերի օգտին է գործել, նա պետք է գրանցվի որպես լոբբիստ ու հրապարակի բոլոր կապերը, որ ունեցել է ինչպես ամերիկացի, այնպես էլ թուրք պաշտոնյաների հետ։
Տաթև Ֆռանգյան
