06.02.2026 | 19:45
Գույքահարկը հասավ իր պիկին․ ինչքան եք վճարելու 2026-ին․ ՏԵՍԱՆՅՈՒԹ
Գերմանիայի Զինված ուժերի առաքելությունն Աֆղանստանում ավարտված է
Քաղաքականություն
30.06.2021 | 18:51
Գերմանիայի Զինված ուժերի (Բունդեսվերի) առաքելությունն Աֆղանստանում ավարտված է: Հունիսի 29-ին Մազար Շարիֆի ռազմական ճամբարում մնացած գերմանացի վերջին զինվորները չորս ռազմական ինքնաթիռներով տեղափոխվել են Գերմանիա: Կենտրոնական Ասիայի հանրապետությունը լքած զինվորների թվում են KSK հատուկ ստորաբաժանման ներկայացուցիչները, որոնք հսկում էին ճամբարը և ապահովում զորքերի դուրսբերման անվտանգությունը, գրում է DW-ի ռուսական ծառայությունը:
«Ավարտին է մոտենում պատմության մի ամբողջ գլուխ՝ ինտենսիվ առաքելությունը, որը մարտահրավեր էր նետել բունդեսվերին ու զգալիորեն ազդել դրա կայացման վրա, այդ թվում՝ նաև մարտերում։ Առաքելություն, որի ընթացքում հոգու և մարմնի վիրավորում են ստացել մեր զինվորենրը, որի ընթացքում մենք կորցրել ենք մարդկանց ու սգացել զոհերին»,-հայտարարել է Գերմանիայի պաշտպանության նախարար Աննեգրետ Քրամփ-Քարենբաուերը։
Բունդեսվերի տվյալների համաձայն՝ 20-ամյա առաքելության ընթացքում զոհվել է 59 գերմանացի զինվոր։
Մինչև մայիս Աֆղանստանում կար 1100 գերմանացի զինվոր։ ՆԱՏՕ-ի անդամ երկրների շարքում Գերմանիան այս երկրում իր զորքերի թվով երկրորդն էր՝ զիջելով միայն ԱՄՆ-ին։
Բունդեսվերի զինվորներն Աֆղանստան էին ուղարկվել 2001 թվականի սեպտեմբերի 11-ին ԱՄՆ-ում տեղի ունեցած ահաբեկչությունից հետո:
Տաթև Ֆռանգյան
