13.01.2026 | 11:07
Ռուսական զորքերը հարվածել են Օդեսային և Խարկովին. կան զոհեր ու վիրավորներ
Կարծիք կա՝ ռեպրեսիվ գործողություններին միտված քայլ է․ Աբովյանը՝ ձերբակալության հիմքերն ընդլայնելու մասին. ՏԵՍԱՆՅՈՒԹ
Քաղաքականություն
30.06.2021 | 12:30
ԱԺ արտահերթ նիստում քննարկվում է նաև ՀՀ քրեական դատավարության օրենսգրքում փոփոխություններ և լրացումներ կատարելու մասին հարցը։
«Կարծիք կա, որ այսօր առաջարկվող փոփոխությունները միտված են ավելի ընդլայնելու հնարավորությունները, որ այս կամ այն պատճառով դատարանում հայտնված մարդկանց նկատմամբ կիրառվի ձերբակալումը որպես պատժիչ կամ կանխարգելիչ միջոց: Կխնդրեի հեղինակներին մանրամասնել, քանզի կա կարծիք, որ սա ռեպրեսիվ գործողություններին միտված քայլ է»,- նշեց Արման Աբովյանը։
Իմքայլական պատգամավոր Վլադիմիր Վարդանյանը նշեց, որ իր մոտեցումը հետևյալն է՝ որևիցե անմեղ մարդ որևէ հանգամանքում չպետք է հայտնվի անազատության մեջ, և որևիցե մեղավոր մարդ չպետք է օգտվի արդարադատության համակարգի թերություններից։
«Այս նախագիծը որևէ եղանակով չի ընդլայնում կամ չի սահմանափակում քրեական արդարադատություն իրականացնող դատարանի լիազորություններն այս կամ այն հարցում։ Այն պարզապես հստակեցնում է չափանիշները, հիմքերը, դեպքերը, որոնց պարագայում ձերբակալությունը կարող է լինել իրավաչափ, որոնց պարագայում՝ ոչ»։
Վլադիմիր Վարդանյանն ասաց, որ նոր քրեական դատարավարության օրենսգիրքն, ի տարբերություն գործողի, արտացոլում է ժամանակակից միջազգային ստանդարտները։ Պատգամավորը հավելեց, որ նոր օրենսգիրքը ընդունվելու դեպքում ուժի մեջ կմտնի 2022 թվականին։
Մանրամասները՝ տեսանյութում:
