09.08.2026 | 00:05
Էդգար Սևիկյանը խաղացել է Մադրիդի «Ռեալի» դեմ. ՏԵՍԱՆՅՈՒԹ
Եգիպտոսի խորհրդարանի պատգամավորները քննարկել են Հայոց ցեղասպանության ճանաչման հարցը
Քաղաքականություն
01.03.2018 | 12:27
Եգիպտոսի խորհրդարանի Պաշտպանության և ազգային անվտանգության հանձնաժողովի փախնախագահ, պատգամավոր Եահիա Քիդվանին և Արտաքին հարաբերությունների հանձնաժողովի քարտուղար, պատգամավոր Թարեք Խուլին նախորդ շաբաթ խորհրդարանում քննարկել են Հայոց ցեղասպանության ճանաչման հարցը, գրում է Horizonweekly-ն:
Երկու պատգամավորները վկայակոչելով Նիդեռլանդների խորհրդարանի օրինակը՝ Եգիպտոսի խորհրդարանից պահանջել են նմանօրինակ որոշում կայացնել:
Ըստ Քիդվանիի՝ այս քայլն անհրաժեշտ է Թուրքիայի շարունակական ոտնձգություններին հակադարձելու համար՝ շեշտելով, որ Թուրքիան Քաթարի հետ համագործակցելով աջակցում է միջազգային ահաբեկչությանը:
Թարեք Խուլին, իր հերթին, «Վետո» շաբաթաթերթին տված հարցազրույցում ընդգծել է, որ Եգիպտոսն ինչ-որ իմաստով այս իրադարձությունների մասն է կազմում և պատմական այդ իրողության ականատեսը, քանի որ բազմաթիվ հայեր Եգիպտոսում են հենց ապաստան գտել.«Ջարդերից ճողոպրածների թոռներն այսօր ապրում են մեր կողքին, ուստի մենք պետք է Օսմանյան կայսրությունը վերականգնելու ծրագրերը բացահայտենք ու փշրենք Թուրքիայի զավթողական երազանքները»:
