26.04.2026 | 12:24
Ուրախ եմ լսել, որ նախագահ Դոնալդ Թրամփը և մյուս ներկաները ապահով են ու լավ վիճակում․ Նիկոլ Փաշինյան
Թուրքիայի խորհրդարանական պատվիրակությունը ԱՄՆ-ում գործընկերների հետ քննարկել է ԼՂ հարցը
Քաղաքականություն
28.06.2021 | 19:10
Թուրքիայի խորհրդարանական պատվիրակությունը ԱՄՆ-ում քննարկել է թուրք-ամերիկյան հարաբերությունների հեռանկարները, ինչպես նաև իրավիճակը Հարավային Կովկասում ու Աղֆանստանում։ Այս մասին հայտնել է Թուրքիայի խորհրդարանի արտաքին հարաբերությունների հանձնաժողովի նախագահ Աքիֆ Չաղաթայ Քըլըչը, գրում է «Անադոլու» գործակալությունը։
Քըլըչի գլխավորած պատվիրակության կազմում եղել են Թուրքիայի իշխող «Արդարություն ու զարգացում» կուսակցության, ինչպես նաև ընդդիմադիր կուսակցությունների ներկայացուցիչները։
Թուրք խորհրդարանականները բանակցություններ են վարել ամերիկյան Սենատի երկու կուսակցությունների օրենսդիրների, հրեական լոբբիի ներկայացուցիչների և ԱՄՆ Առևտրի պալատի անդամների հետ։
«Մենք զրուցակիցներին ցույց տվեցինք, որ Թուրքիայի համար ազգային շահերի հարցերում առաջատար կուսակցությունները հանդես են գալիս միասնական ճակատով»,- ասել է Քըլըչը Վաշինգտոնում Թուրքիայի դեսպանատանը կայացած ասուլիսում։
Նրա խոսքով՝ ԱՄՆ-ում հանդիպումների ժամանակ քննարկվել է նաև Լեռնային Ղարաբաղի հարցը։
«ԱՄՆ-ում քաջատեղյակ են, որ Թուրքիան աջակցում է Ադրբեջանին Ղարաբաղյան հարցում։ Հայաստանի կողմից ադրբեջանական տարածքների «օկուպացիան ճանաչված իրողություն է ՄԱԿ-ի մակարդակով։ Մենք կրկին ԱՄՆ ներկայացուցիչներին ենք ներկայացրել Անկարայի տեսակետը այդ հարցում»,- ասել է Քըլըչը։
Նա նաև ուշադրություն է հրավիրել Վաշինգտոնում Աֆղանստանի թեմայի քննարկման ու Անկարայի՝ աֆղան ժողովրդին աջակցելու պատրաստակամության ուղղությամբ։
Էմմա Չոբանյան
