30.06.2026 | 03:40
ԱԱ-2026. Գերմանիան դուրս մնաց պայքարից. ՏԵՍԱՆՅՈՒԹ
ԱՀԿ-ն զգուշացնում է Covid-19-ի նոր մահացու ալիքի մասին․ The Guardian
Քաղաքականություն
28.06.2021 | 18:44
Անցած հանգստյան օրերի ընթացքում աշխարհում գրանցվել է կորոնավիրուսի նոր դեպքերի նվազագույն թիվը։ Այս մասին հայտարարել է Առողջապահության համաշխարհային կազմակերպությունը, գրում է The Guardian-ը:
Ընդ որում, կազմակերպությունում նախազգուշացրել են «Դելտա» շտամի պատճառով նոր մահացու ալիքի վտանգի մասին, որն արդեն հայտնաբերվել է 92 երկրում։ ԱՀԿ-ում այն անվանել են կորոնավիրուսի ամենավարակիչ շտամը։ Մասնագետները կանխատեսում են, որ «Դելտան» կարող է գերիշխող շտամ դառնալ Եվրոպայում 2-4 շաբաթվա ընթացքում։
Եվրոպայից դուրս՝ այս շտամն արդեն փոթորկում է Ինդոնեզիայում։ Այստեղ հիվանդության ռեկորդային թիվ է գրանցվել՝ ավելի քան 21 հազար նոր դեպք։ Համանման բռնկումներ են գրանցվում ամբողջ տարածաշրջանում, մասնավորապես՝ Թայլանդում և Մալազիայում։ Ռուսաստանում ևս բռնկումներ են․ Մոսկվայում արդեն մի քանի օր է՝ գրանցվում է մահացության թվի նոր հակառեկորդ։
«Դելտա» վիրուսի պատճառով Ավստրալիայի ու Նոր Զելանդիայի կառավարություններն ուժեղացրել են կարանտինային սահմանափակումները։ Իսկ Իսրայելում կրկին մտցրել են փակ տարածքներում պարտադիր պաշտպանիչ դիմակ կրելու պահանջը՝ երկրում վարակի տարածման դեպքերի թվի աճի պատճառով։
Բացի այդ, անցյալ շաբաթ կորոնավիրուսով վարակման դեպքերի թիվն ամբողջ Աֆրիկայում աճել է 25%-ով։
Տաթև Ֆռանգյան
