26.04.2026 | 13:50
Պլանային ջրանջատում Սյունիքում
ԱՄՆ Սենատի արտաքին հարաբերությունների հանձնաժողովը Վրաստանի վերաբերյալ բանաձև է ընդունել
Քաղաքականություն
26.06.2021 | 20:01
ԱՄՆ Սենատի արտաքին հարաբերությունների կոմիտեի անդամ, հանրապետական Ջիմ Ռիշին հայտնել է, որ օրենսդիր մարմինը մի քանի փաստաթուղթ է ընդունել, այդ թվում՝ չորս բանաձև, որոնցից մեկը վերաբերում է Վրաստանին, փոխանցում է Վրաստանի Առաջին ալիքը։
«Բանաձև 176»-ը կոչ է անում Վրաստանի բոլոր կուսակցություններին անհապաղ գործել 2021 թվականի ապրիլի 19-ին ստորագրված համաձայնագրին համապատասխան, և այստեղ Սենատը վերահաստատում է իր աջակցությունը Վրաստանին, նրա տարածքային ամբողջականությունը և եվրատլանտյան հանրությանն անդամակցելու վրացիների ձգտումները:
«Ես ուրախ եմ, որ մեր բանաձևը Վրաստանի բոլոր կուսակցություններին կոչ է անում ստորագրել և կատարել ապրիլի 19-ին ձեռք բերված համաձայնագիրը: Այստեղ նույնպես ես մտահոգված եմ այն տեղեկություններով, որ որոշ կուսակցություններ չեն հարգում համաձայնագիրը և գործում են անբարեխիղճ կերպով: Վրաստանի բոլոր քաղաքական կուսակցությունները պետք է մի կողմ դնեն իրենց տարաձայնությունները և առաջ գնան սույն պայմանագրի դրույթներին համապատասխան: ԱՄՆ-ը կշարունակի աջակցել վրաց ժողովրդի ժողովրդավարական ապագային», – ասաց Ռիշին:
