30.06.2026 | 03:40
ԱԱ-2026. Գերմանիան դուրս մնաց պայքարից. ՏԵՍԱՆՅՈՒԹ
Վրաստանի կառավարության նոր խոստումները. ինչ է ենթադրում 10-ամյա զարգացման ծրագիրը
Քաղաքականություն
26.06.2021 | 18:57
Վրաստանի վարչապետ Իրակլի Ղարիբաշվիլին, իր տարեկան զեկույցը խորհրդարան ներկայացնելիս, խոսել է կառավարության ծրագրի մասին, որը նախատեսված է լինելու երկրի զարգացման առաջիկա 10 տարիների համար, և որի վրա այժմ կառավարությունը աշխատում է, գրում է aliq.ge-ն։
Իրակլի Ղարիբաշվիլին խոսելով տարբեր ոլորտների մասին` նշել է այն նպատակները, որոնց երկիրը պետք է հասնի առաջիկա 10 տարիների ընթացքում:
Վրաստանի կառավարությունը իշխանությունում գտվելու 9-րդ տարում բնակչությանը տալիս է հետևյալ խոստումները՝
- Ուսուցիչների աշխատավարձերն աստիճանաբար կբարձրանան, և մինչև 2030 թվականը միջին ծանրաբեռնվածության դեպքում աշխատավարձը կգերազանցի 2200 լարին:
- Մինչև 2030 թվականը երկրի ամբողջ բնակչությունը լիարժեք հնարավորություն կունենա օգտվել լիցենզավորված և որակյալ ջրամատակարարումից:
- Մինչև 2030 թվականը Կարմիր կամուրջ — Սարփիի մայրուղի ճանապարհորդության ժամանակը կկրճատվի և կդառնա 4 ժամ՝ 8 ժամվա փոխարեն:
- Մինչև 2030 թվականը խոզի, թռչնամսի և տավարի մսի արտադրությունը կկրկնապատկվի, կաթի մատակարարումը կկազմի 108%: Գինու արտահանումից ստացված հասույթը կբարձրանա միլիարդի:
- «Մինչեւ 2030 թվականը մենք կունենանք արդյունավետ, գերժամանակակից մարտական ուժ, որը կկարողանա ժամանակին պատշաճ կերպով արձագանքել սպառնալիքներին»:
- Ընդերքի բարեփոխումների արդյունավետ իրականացման արդյունքում մինչև 2030 թվականը կստեղծվի մինչև 30,000 նոր աշխատատեղ: Ընդերքի հատվածում այսօր աշխատում է շուրջ 37,000 մարդ:
- Վրաստանում ներդրողների թիվը կավելանա:
- «Արտադրիր Վրաստանում» գործակալությունը կօգնի ավելի քան 2000 ընկերությունների արտահանման իրականացման գործում:
- Փոքր և միջին ձեռնարկություններում աշխատանքի կտեղավորվի 100,000 քաղաքացի և կբարձրացնեն արտադրողականությունը 50%-ով:
- Զբոսաշրջությունից եկամուտը կկրկնապատկվի՝ հասնելով 6,5 միլիարդ դոլարի:
- Մինչեւ 2030 թվականը ոչ վրացական դպրոցների շրջանավարտների 99%-ը կտիրապետի պետական լեզվին:
Վարչապետը թվարկված խոստումների կատարման մանրամասն ծրագիր չի ներկայացրել խորհրդարան: Իրակլի Ղարիբաշվիլիի խոսքով՝ երկրի զարգացման 10-ամյա ծրագիրը պատրաստ կլինի աշնանը:
