16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
ԱՄՆ-ը հրշեջ-փրկարարական կայանների շինարարական երեք նախագիծ է իրականացնում Շիրակի մարզում
Հասարակություն
26.06.2021 | 16:46
Միացյալ Նահանգների զինված ուժերը երեք շինարարական նախագիծ են իրականացնում ՀՀ Շիրակի մարզում: Մեկնարկել են հրշեջ-փրկարարական կայանների շինարարական աշխատանքները՝ հրշեջ ծառայությունների և արտակարգ իրավիճակների արձագանքման հնարավորությունների բարելավմանն աջակցելու նպատակով, գրում է 1lurer.am-ը։
Մասնագետները նոր հրշեջ-փրկարարական կայան են կառուցում Գյումրիում, արդիականացնում են Ախուրյանի կայանը և նոր կայան են կառուցում Աշոցքում:
Հումանիտար շինարարական աջակցությունն իրականացնում է ԱՄՆ զինված ուժերի ինժեներների կորպուսը, որը համակարգում է ՀՀ-ում ԱՄՆ դեսպանությունը:
«Հումանիտար աջակցություն ցուցաբերող նման նախագծերն օգնում են բարելավել արտակարգ իրավիճակների արձագանքման հնարավորությունները»,- հայտարարել է նախագծի համակարգող Նանա Կաչեիշվիլին:
Նշվում է, որ նման ծրագրերը Հայաստանի ու ԱՄՆ-ի սերտ գործակցության վառ օրինակ են, և կայանների պայմանների բարելավման շնորհիվ հրշեջներն ու փրկարարները կկարողանան ավելի լավ ծառայել բնակչությանը:
