30.06.2026 | 11:02
NYMEX. Թանկարժեք մետաղների գները նվազել են
ԵՄ-ն Թուրքիային 3.5 միլիարդ եվրո կհատկացնի
Քաղաքականություն
24.06.2021 | 20:15
ԵՄ առաջնորդները այսօր Բրյուսելում կայացած գագաթնաժողովի ժամանակ որոշում են ընդունել Թուրքիային 3.5 միլիարդ եվրո հատկացնելու մասին։ Այս միջոցներն անհրաժեշտ են, որպեսզի երկիրը կարողանա հաղթահարել ներգաղթի հետ կապված ճգնաժամը, գրում է Euractiv-ը։
Մինչև այս տարեվերջ Եվրահանձնաժողովը մարդասիրական ծրագրերի համար կհատկացնի գրեթե 530 միլիոն եվրո, իսկ ԵՄ բյուջեից մինչև 2024 թվականը՝ երեք միլիարդ եվրո:
ԵՄ դիվանագետներից մեկի խոսքով՝ ֆինանսական աջակցության նոր փաթեթը կուղղվի ոչ միայն մարդասիրական օգնությանը, այլ կներառի նաև «սոցիալական ինտեգրման» տարր: Բացի այդ, Թուրքիային կտրամադրվի 1․9 միլիարդ եվրո, որը նախատեսված է 2016 թվականի պայմանագրով:
Ըստ ՄԱԿ-ի՝ Թուրքիան ընդունած փախստականների թվով աշխարհում առաջին երկիրն է: Դրան բաժին է ընկնում գրեթե 3․7 միլիոն փախստական կամ ապաստան փնտրողների 15%-ը:
Տաթև Ֆռանգյան
