30.10.2026 | 16:09
Բելառուսում արգելել են Հայաստանից և Վրաստանից կոնյակի արտադրատեսակների վաճառքը
Հայկական Շուշին վերածվեց ադրբեջանական պետական արգելոցի
Քաղաքականություն
22.06.2021 | 20:09
Ադրբեջանի նախագահ Իլհամ Ալիևը հաստատել է գրավյալ հայկական Շուշի քաղաքը պետական արգելոցի վերածելու ծրագիրը։ Տեղական լրատվամիջոցների հաղորդմամբ՝ Ալիևը ստորագրել է «Ադրբեջանի մշակութային մայրաքաղաք Շուշիի մասին» օրենքը։
Դրանով նախատեսվում է հայկական Շուշիի վարչական տարածքում ստեղծել պետական արգելոց։ Փաստաթղթով նաև որոշվում են պետական քաղաքականության հիմնական ուղղությունները, որոնք ուղղված են քաղաքի վերականգնմանը, մշակութային և պատմական հուշարձանների պաշտպանությանը, ինչպես նաև զբոսաշրջության համար պայմանների ստեղծմանը:
Ադրբեջանի կառավարությանը հանձնարարված է երեք շաբաթվա ընթացքում որոշել և հաստատել Շուշիի պետական արգելոցի պահպանվող գոտու սահմանները, որոշել անվտանգության ռեժիմը, հաստատել հուշարձանների մոնիթորինգի կարգը։ Բացի այդ, կառավարությունը երեք ամսվա ընթացքում պետք է նաև հաստատի քաղաքում արգելված ձեռնարկատիրական գործունեության տեսակները, ինչպես նաև պատրաստի ու ներկայացնի պետական արգելոցի ֆինանսավորման աղբյուրների մասին առաջարկներ։
Նաև հաստատվել է Շուշիի պետական արգելոցի կանոնադրությունը։ Կառավարման ֆոնդը կազմում է 1 մլն մանաթ և ձևավորվում է պետական բյուջեի միջոցների հաշվին։
Էմմա Չոբանյան
