Ռոբերտ Քոչարյանը ընտրախախտումից է խոսում․ լա՛վ, չի՛ կարելի հիմարացնել, ձեռք առնել ժողովրդին, նախագահ էիք, ինչո՞ւ չէիք խոսում․ Նորայր Նորիկյան․ ՏԵՍԱՆՅՈՒԹ

Լուրեր

28.03.2024 | 17:00
Գերմանիայի նախկին կանցլերը հայտարարել է, որ Պուտինի հետ իր մտերմությունը կօգնի դադարեցնել Ուկրաինայում պատերազմը
28.03.2024 | 16:48
Ոստիկանության բարեփոխումների 2020-2022թթ․ ռազմավարության գնահատման հետազոտություն․ ՀՔԱՎ
28.03.2024 | 16:37
Ահաբեկչության ժամանակ «Կրոկուս»-ում հրդեհաշիջման համակարգը նորմալ է աշխատել, հրդեհային ելքերը բաց են եղել. ադրբեջանցի սեփականատիրոջ որդի
28.03.2024 | 16:26
Օդի ջերմաստիճանը աստիճանաբար կբարձրանա 8-10 աստիճանով
28.03.2024 | 16:24
ՀՀ կառավարությունը 29. 94 տոննա մարդասիրական օգնություն առաքեց Գազա․ ԼՈՒՍԱՆԿԱՐՆԵՐ
28.03.2024 | 16:18
Գերմանիայում 5 մարդ մեղադրվում է հակառուսական պատժամիջոցները խախտելու մեջ․ նրանք օգնել են Siemens-ի տուրբիններ մատակարարել Ղրիմ
28.03.2024 | 16:07
Գյումրիում հանրային սննդի օբյեկտը կվերսկսի իր գործունեությունը
28.03.2024 | 15:55
Անհապաղ հայրենադարձնել Ադրբեջանում պահվող բոլոր հայ գերիներին․ զեկույց ուղղված՝ ՄԱԿ-ի Խոշտանգումների դեմ կոմիտեին՝ Ադրբեջանի 5-րդ դիտարկմանն ընդառաջ
28.03.2024 | 15:51
ԱՄՆ Կոնգրեսի պատվիրակությունը մեկնում է Թուրքիա. քննարկվելու է նաև F-16-ի հարցը
28.03.2024 | 15:44
Ուժի մեջ է մտնում տուգանքների վճարման բոնուսային համակարգը
28.03.2024 | 15:41
ԱԺ աշխատանքի և սոցիալական հարցերի մշտական հանձնաժողովի նիստը՝ ՈՒՂԻՂ
28.03.2024 | 15:36
Գերմանիան ավելացնում է զենքի սեփական պաշարները. Bloomberg
28.03.2024 | 15:25
Համոզված եմ՝ մենք կունենանք սերունդ, որը կապրի ԵՄ անդամ Հայաստանում. Էդգար Առաքելյան․ ՏԵՍԱՆՅՈՒԹ
28.03.2024 | 15:20
Բաքվում հայտարարում են Ադրբեջանի անվտանգությանը սպառնացող վտանգի մասին՝ մեղադրելով Արևմուտքին
28.03.2024 | 15:17
«Զվարթնոց»-ին սահմանապահներ են անհրաժեշտ, Մոսկվային մտահոգում է բրյուսելյան հանդիպումը․ ԼՈՒՐԵՐ
Բոլորը

Factor TVն զրուցել է «Արդար Հայաստան» կուսակցության նախագահ Նորայր Նորիկյանի հետ

-Պարո՛ն Նորիկյան, Դուք զարմանում եք «Հայաստան» և «Պատիվ ունեմ» դաշինքների հավաքած ձայների քանակի վրա։ Նրանց աշխատանքը ԱԺ-ում ինչպիսի՞ն է լինելու, արդյո՞ք հանուն պետության, նրա շահերից բխող գործունեություն կտեսնենք, թե՞ ծեծուջարդ՝ պառլամենտում, կռիվներ և հայհոյանքներ ընդդիմության և իշխանության միջև։

-Այդ ուժերը 25-30 տարի եղել են պետության ամենաբարձր օղակներում։ Ես դրանց արդյունավետությունը տեսել եմ, մե՛նք ենք տեսել նրանց արդյունավետությունը։ Որևէ մեկը նրանց ձեռքը չէր բռնել։ Իրենք են մեր երկրի ամենավատ բարքերի ճարտարապետները, իրենք են ստեղծել էս համակարգերը, որոնք մեզ բերել են «կրախի» առաջ, իրենք են դրել ընտրակեղծարարության հիմքերը, իրենք են դարձել ռազմական օլիգարխիայի ճարտարապետը, իրենց կառավարման օրոք են բոլոր նախարարների գերակշիռ մասը դարձել միլիոնատեր, իրենք են դարձել այս երկրում օլիգարխիայի հիմքը, իրենք են դարձել էս երկրում հանցավոր արժեքներով առաջնորդվելու կնքահայրը, հիմա էս մարդիկ ի՞նչ օրենսդիր գործունեությամբ պիտի զբաղվեն, ես չեմ հասկանում։ Երբ որ Ռոբերտ Քոչարյանը խոսում է ընտրությունների խախտումներից, ժողովրդավարությունից, ազատությունից․․․ դուք գիտեք ինչ՝ չի՛ կարելի էսքան ձեռք առնել մեր ժողովրդին, չի կարելի հիմարի տեղ դնել մեր ժողովրդին։ Ոչ մեկ չէր խանգարում Ռոբերտ Քոչարյանին այդ արժեքներից խոսել 98 թվականին, 2003-ին և 2008-ին։ ՍերժՍարգսյանն էր խոսում 100-ից 60 կամ 70 խփելու մասին, ես չեմ հասկանում՝ իրե՞նք են խոսում ընտրակեղծիքի մասին, լա՛վ, չի կարելի քաղաքականության մեջ անբարոյականության էլեմենտը էսքան բարձրացնել։

Հին՝ 88-ի քաղաքական էլիտան էգոիզմի մաստեր կաս է ցույց տալիս՝ մինչև վերջին շունչը ուզում են մնալ ջրի երեսին։ Ընդ որում՝ այս արդյունքը գրանցվել է իրենց անփառունակ գործունեության արդյունքում։ Ես ձեզ վստահեցնում եմ՝ եթե Լևոն Տեր-Պետրոսյանը, Ռոբերտ Քոչարյանը, Սերժ Սարգսյանը չմասնակցեին այս ընտրություններին, ասեին՝ ավելին, մենք ընդհանրապես հեռանում ենք քաղաքականությունից, գնում ենք մեր թոշակները վայելելու․․․ Սերժ Սարգսյանն ու Ռոբերտ Քոչարյանը էլ ավելի արժանապատիվ կգտնվեին, եթե հենց հիմա վերադառնային Արցախ՝ իրենց թոռներով և երեխաներով և դաշտը մնար նոր սերնդի քաղաքական գործիչներին, ես ձեզ վստահեցնում եմ՝ այլ արդյունք կունենայինք։ Բայց մինչև հիմա փորձում են մնալ և Լյուդովիկոս 14-ի սինդրոմով տառապել՝ ամեն ինչ անելու, թեկուզ՝ իրենցից հետո ջրհեղեղ ոդիսականով։ Չի՛ կարելի, հեռացե՛ք, դուք այլևս քաղաքականությունում անելիք չունեք։

-Բայց Քոչարյանն այսօրվա ասուլիսում ասաց՝ գնում են խորհրդարան իշխանություն վերցնելու, անգամ ռազմական օրինակ բերեց՝ խրամատների դիրքերն առաջ տանելու համեմատական անելով։

-Պատերազմի կանոններով երկրում խաղաղություն, համերաշխություն, ժողովրդավարություն, բարեկեցություն չեն ապահովում։

-Սեյրան Օհանյանին հղում արեց, ըստ երևույթին՝ նախկին նախարարի բանաձևն էր բերում։

-Դե գիտեք ինչ՝ Սեյրան Օհանյանի բանաձևը․․․ Այսպես ասեմ՝ ես ոչ մի բան չունեմ Սեյրան Օհանյանի դեմ և ընդհանրապես որևէ անձի դեմ անձնապես։ Մեր հակասությունները կարող են լինել տեսակետների, գաղափարների, մտքերի։ Բայց հնարավոր չէր նաև՝ էն մարդիկ, որ պատասխանատու են եղել բանակի կառուցման, ձևավորման, զարգացման համար, իրենք մեղքի բաժինը չունենային նրա մեջ, ինչ մենք ունեցանք։ Ուժեղ, մարտունակ, բարոյահոգեբանական առումով պատրաստված բանակը չէր կարող մի քանի օրվա մեջ էդպես «շռնդալից» անհաջողություն արձանագրել։

-Նիկոլ Փաշինյանը Հանրապետության հրապարակի հարթակից երկխոսության կոչ արեց այն ուժերի և կառույցների հետ, որոնց հետ բանավեճ է ունեցել։ Քոչարյանն ասաց՝ հաշտության ձեռքն ինքը չի տեսել։ Դուք պատկերացնո՞ւմ եք հասարակության, քաղաքական ուժերի հաշտեցում և ի՞նչ պայմաններով, ի՞նչ գնով հասնել դրան։

Անհրաժեշտ է արձանագրել նպատակը, որին մենք պետք է հասնենք։ Օրինակ ինձ համար շատ կարևոր է ՀՀ-ի խաթարված պաշտպանական համակարգի վերականգնումը, ընդհանուր առմամբ՝ բարոյահոգեբանական մթնոլորտի բարելավումը և պետական ինստիտուտների արդյունավետության բարձրացումը։ Եթե մենք մեր հանրային կյանքի առանցքային օղակներում շտկումներ չարձանագրենք, միայն զբաղված լինենք խոսելով, ես ձեզ վստահեցնում եմ՝ մենք ավելի լրջագույն խնդրի առաջ ենք կանգնելու։

Հարցազրույցն ամբողջությամբ՝ տեսանյութում։

Ռոբերտ Անանյան