18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Չնայած քաղաքական բևեռացմանը, հուսով ենք՝ ընտրությունների արդյունքները կընդունվեն բոլորի կողմից. ՏԵՍԱՆՅՈՒԹ
Քաղաքականություն
21.06.2021 | 16:26
ՀՀ Ազգային ժողովի արտահերթ ընտրությունները եղել են մրցակցային ու, հաշվի առնելով բավական կարճ ժամանակահատվածը, լավ կազմակերպված։ Այսօր Երևանում կայացած ասուլիսի ժամանակ հայտարարեցին միջազգային դիտորդական կազմակերպությունների ներկայացուցիչները։
«Չնայած քաղաքական բևեռացմանը, հուսով ենք՝ ընտրությունների արդյունքները կընդունվեն բոլորի կողմից»,- նշեց ԵԽԽՎ դիտորդական խմբի ղեկավար Ջորջ Կատրոգալոսը:
Որպես Հունաստանի ներկայացուցիչ, որտեղ քաղաքական համակարգը ևս, նրա բնորոշմամբ, խիստ բևեռացված է, Կատրոգալոսը նաև մի խորհուրդը տվեց հայաստանյան քաղաքական ուժերին։ «Ընտրությունների ավարտից հետո առաջին շրջանում ընտրությունների արդյունքները պետք է դիտարկել որպես ի վերուստ տրված։ Ցանկացած կողմ դա պետք է դիտարկի որպես մեկ քայլ առաջ և հաջորդ ընտրություններին մասնակցելու շանս»,– ասաց նա:
Դիտորդը նշեց, որ ընտրությունների ընթացքում իրենք որոշ տեխնիկական խնդիրներ արձանագրել են` տեղամասերի ծանրաբեռնվածություն, ընտրատարածքների մատչելիություն։
«Բայց սա որևէ կերպ հարցականի տակ չի դնում ընտրությունների ժողովրդավարական ու սահմանադրական բնույթը»,- նշեց ԵԽԽՎ դիտորդական խմբի ղեկավարը։
Մանրամասները՝ տեսանյութում:
