24.04.2026 | 15:51
ԱՄՆ գործերի ժամանակավոր հավատարմատար Փիթեր Անդրեոլին այցելել է Ծիծեռնակաբերդ
Բայրամովը հայտարարել է, որ ԼՂ եռակողմ հայտարարության որոշ դրույթների իրականացումը ձգձգվում է
Քաղաքականություն
21.06.2021 | 15:00
Ադրբեջանի ԱԳ նախարար Ջեյհուն Բայրամովն այսօր Ղազախստանի իր գործընկեր Մուխտար Տլեուբերդիի հետ հանդիպմանը հաջորդած ճեպազրույցում հայտարարել է, որ Լեռնային Ղարաբաղում հրադադարի հաստատման նոյեմբերի 9-ի եռակողմ հայտարարության որոշ դրույթներ իրականացվում են, իսկ որոշների իրականացումը ձգձգվում է, հաղորդում են ադրբեջանական լրատվամիջոցները։
«Ես տեղեկացրել եմ իմ ղազախստանցի գործընկերոջը հարյուր հազարավոր տեղահանվածների՝ իրենց հողեր վերադառնալու անհրաժեշտության մասին։ Մենք նաև քննարկել ենք այդ ուղղությամբ հնարավոր համագործակցությունը»,- ասել է Բայրամովը։
Նա ևս մեկ անգամ անդրբեջանական թեզն է ներկայացրել ականապատ տարածքների հետ կապված՝ խոսելով նաև Արցախի գրավյալ տարածքներում պայթելու հետևանքով տուժածների մասին։
«2020թ․ նոյեմբերի 10-ի եռակողմ հայտարարության ստորագրումից հետո ականի վրա պայթելուց 28 մարդ մահացել է, ավելի քան 120-ը՝ վիրավորում ստացել։ Իրավիճակը բարդանում է նրանով, որ Հայաստանը չի տրամադրում ականապատ տարածքների քարտեզները։ Վերջերս միջազգային միջնորդների մասնակցությամբ Հայաստանը Աղդամի ականապատ տարածքների քարտեզը։ Միայն մի շրջանում ականների թիվը 97․000 է, ինչը խոսում է ականների վտանգավորության աստիճանի մասին»,- ասել է Բայրամովը։
Նշենք, որ պաշտոնական Բաքուն չի կատարում եռակողմ հայտարարության դրույթները, մասնավորապես՝ ազատ չի արձակում Ադրբեջանում պահվող հայ գերիներին ու պատանդներին։ Նրանց նկատմամբ էլ շինծու քրեական գործերի հարուցմամբ փորձում է խոչընդոտել գերիների վերադարձին Հայաստան։
Էմմա Չոբանյան
