01.03.2026 | 12:28
Եկամուտների համընդհանուր հայտարարագրում․ ովքե՞ր են այս տարվանից միանում համակարգին և ի՞նչ է պետք իմանալ
Պեսկովը համոզիչ է համարել ընտրություններում Փաշինյանի կուսակցության հաղթանակը
Քաղաքականություն
21.06.2021 | 14:20
Կրեմլում ուշադիր հետևում են արտահերթ ընտրությունների վերաբերյալ Հայաստանից ստացվող տեղեկություններին, որում հաղթանակ է տարել Նիկոլ Փաշինյանի կուսակցությունը։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովին, գրում է «Ինտերֆաքսը»։
«Մենք շատ ուշադիր հետևում ենք Երևանից եկող տեղեկատվությանը։ Մենք ողջունում ենք Հայաստանի Կենտրոնական ընտրական հանձնաժողովի տվյալները, որ այս ընտրությունները կայացել են։ Եվ, իհարկե, մենք տեսնում ենք, որ Փաշինայնի կուսակցությունը համոզիչ հաղթանակ տարավ»,- ասել է Պեսկովը լրագրողների հետ զրույցում։
Նա նաև շնորհավորել է Հայաստանին խորհրդարանական ընտրությունների կապակցությամբ։
«Հայաստանը մեր մերձավոր դաշնակիցն է, գործընկերը և, իհարկե, մենք ցանկանում ենք, որ հայ ժողովրդի այդ ընտրությունն օգնի հաղթահարել այն դժվարությունները, որոնցում հիմա ապրում է երկիրը, և դուրս գալ կայուն զարգացման ուղու վրա, այդ թվում՝ եռակողմ պայմանավորվածությունների իրագործման միջոցով, որոնք ձեռք են բերվել և ստորագրվել Ռուսաստանի նախագահի անմիջական մասնակցությամբ»,- ասել է Դմիտրի Պեսկովը։
Էմմա Չոբանյան
