30.06.2026 | 11:02
NYMEX. Թանկարժեք մետաղների գները նվազել են
Նման բան չի կարող լինել. Սասուն Միքայելյանը հերքում է, թե հրազդանցիներին հորդորել է ՔՊ չընտրել. ՏԵՍԱՆՅՈՒԹ
Քաղաքականություն
18.06.2021 | 18:19
«Նման բան ո՞նց կարող է լինել: Ես իմ հայտարարության մեջ ընդամենն ասել եմ, որ այս-այս պայմաններից ելնելով՝ չեմ մասնակցելու հունիսի 20-ի ընտրություններին, չեմ առաջադրվելու»,- այս մասին Factor.am-ի հետ հեռախոսազրույցում նշեց ԵԿՄ վարչության նախագահ Սասուն Միքայելյանը՝ անդրադառնալով դիտարկմանը, որ լուրեր են տարածվում, թե նա հրազդանցիներին հորդորել է չընտրել Նիկոլ Փաշինյանին ու նրա թիմին, և սպառնացել է, որ հակառակ պարագայում՝ նրանց ընտրելու դեպքում իրենց համար վատ է լինելու:
Ընտրարշավի վերջ է, լրագրողները ստեղծագործելով են զբաղված, ոչ թե իրենց հիմնական գործով»,- նշեց Միքայելյանը:
ԵԿՄ վարչության նախագահը վստահեցրեց՝ մնացած ամեն ինչը նորմալ հիմքի վրա է դրված, ՔՊ-ի հետ հարաբերությունները չեն վատացել: «Նման բան չի կարող լինել: Սուտ լուրեր են տարածում, որ ժողովրդին ապակողմնորոշեն: Ես երկար տարիներ ճամփա եմ անցել Փաշինյանի հետ, մենք այդ հարցը քննարկել ենք, որ ես չեմ մասնակցի ընտրություններին, այսօր էլ նորմալ հարաբերությունների մեջ ենք, նորմալ խոսում ենք, հանդիպում ենք»,- նշեց Միքայելյանը՝ հավելելով, որ ընտրություններին չի մասնակցում, որովհետև «Երկրապահով» է զբաղված, իսկ «Երկրապահն» այսօր էլ սահմանին է՝ կանգնած է բանակի կողքին:
Մանրամասները՝ տեսանյութում:
