Հասարակություն
27.02.2018 | 16:42
Երևանի քաղաքապետարանի պաշտոնական կայքում նշված է, որ ի գիտություն է ընդունվել «Երկիր Ծիրանի» կուսակցության ժողովի անդամ Արամ Ենոքյանի իրազեկումը՝ մարտի 4-7-ը, ժամը 17.00-22.00-ն, Ազատության հրապարակում հավաք և հավաքի ընթացքում՝ ժ.19.00-22.00 Ազատության հրապարակ – Թումանյան փողոց – Նալբանդյան փողոց – Մոսկովյան փողոց – Մաշտոցի պողոտա – Ամիրյան փողոց – Վազգեն Սարգսյան փողոց – Հանրապետության հրապարակ – Աբովյան փողոց – Հյուսիսային պողոտա – Ազատության հրապարակ երթուղով երթ անցկացնելու վերաբերյալ։
Տեղեկությունը փորձեցինք հսատկեցնել «Երկիր Ծիրանիի» գրասենյակից, մեր հարցին ի պատասխան ասացին, որ երթի համար դիմած Արամ Ենոքյանն ավելի ուշ հայտարարությամբ հանդես կգա և կհայտնի մանրամասներ։
Ի դեպ նշենք, որ հանրահավաք է նախատեսվում նաև մարտի 10-ին։ «Համահայկական հանրահավաք» անունը ստացած ֆեյսբուքյան իվենթը, որի կազմակերպչի անունը հայտնի չէ, քաղաքապետարան չի դեմել և հանրահավաքի թույլտվություն չի ստացել։
