24.04.2026 | 12:03
Ո՛չ ուրացումը, ո՛չ էլ թշնամանքը չեն կարող բուժել վերքերը. Պոլսո Հայոց պատրիարքն ուղերձ է հղել
ԱԱԾ աշխատակիցները բերման են ենթարկում «Պատիվ ունեմ» դաշինքի շտաբերի ղեկավարներին․ Աշոտյան. ՏԵՍԱՆՅՈՒԹ
Քաղաքականություն
18.06.2021 | 14:15
«Պատիվ ունեմ» դաշինքի կենտրոնական շտաբում երկրորդ օրն է՝ ահազանգեր են ստացվում, որ իշխանությունը, զգալով գալիք պարտությունը, վերջին ճիգերն է գործադրում իրավապահ համակարգի միջոցով, ազդելու ընտությունների արդյուքնների վրա: Ասուլիսում ամփոփելով նախընտրական քարոզարշավը՝ այս մասին ասաց «Պատիվ ունեմ» դաշինքի անդամ Արմեն Աշոտյանը:
Նրա խոսքով՝ գործի է դրվել իշխանական ուժային եռյակը՝ ոստիկանությունը, դատախազությունը, ԱԱԾ-ն:
«Վաղ առավոտից Երևանի մի շարք վարչական շրջաններում ԱԱԾ աշխատակիցները բերման են ենթարկում «Պատիվ ունեմ» դաշինքի շտաբների պետերին ու խուզարկություններ իրականացնում՝ առանց որևէ հիմքի: Ոստիկանական տարբեր բաժանմունքներ հրավիրում են տարբեր ազդեցիկ մարդկանց և իրենց հետ, ոստիկանության ձևակերպմամբ, պրոֆիլակտիկ զրույցներ տանում՝ ասելով. «Խելոք պահիր, մեկա մենք կրելու ենք ու հետո դու քո հալը կտեսնես, քարոզչությամբ մի՛ զբաղվիր»:
Գլխավոր դատախազությունը հրահանգ է իջեցրել իր ստորաբաժանումներին, և երեկ գիշերվանից դատախազություն են հրավիրվում տարբեր համայքների, մարզերի ղեկավար անձնակազմեր, որոնց հետ նույնպես հետևյալ սպառանալիքներով զրույցն է տարվում. «Եթե խելոք չպահես, ընդդիմության համար աշխատես, գիտես՝ մեզ համար 5 րոպեի հարց է քեզ վրա քրեական գործ սարքելը», – պատմեց Աշոտյանը:
Մանրամասները՝ տեսանյութում:
