06.06.2026 | 18:40
Ստեփանավանի տարածաշրջանում կարկուտ է տեղացել․ կան վնասներ
Եթե 15, 20 տոկոս ձայն հավաքեն ուժերը, խելոք նստելու են՝ համաձայնության կառավարություն ձևավորեն. ՏԵՍԱՆՅՈՒԹ
Քաղաքականություն
17.06.2021 | 11:51
Ներկայումս Հայաստանում այլևս որևէ քաղաքական ուժ չի կարող համարվել ամբողջական ժողովրդի աջակցությունը ունեցող ուժ, և որևէ մեկը չի կարող համարվել ժողովրդական առաջնորդ: Այս մասին լրագրողների հետ զրույցում նշեց «Լուսավոր Հայաստան» կուսակցության նախընտրական ցուցակը գլխավորող Էդմոն Մարուքյանը և հավելեց,որ ըստ էլէկտորալ իրավիճակի ոչ մի ուժ չի հաղթելու այս ընտրություններում:
«Պետք է հաղթի ժողովուրդը: Դա նշանակում է, որ Հայաստանում առաջին անգամ խորհրդարանում պետք է ձևավորվի ազգային համաձայնության և միասնության կառավարություն, որտեղ բոլորը իրենց փոքր, մանր ճիշտը մի կողմ են դնելու և պարտավորված են զգալու այդ պրոֆեսիոնալ կառավարությանը աջակցություն ցուցաբերել՝ յուրաքանչյուրը իր ներդրումը ունենալով: Միայն այդ պարագայում երկիրը կարող է դուրս գալ այս վիճակից»,- ասաց Մարուքյանը:
Նրա խոսքով`«Լուսավոր Հայաստան»-ը իրեն տեսնում է այդ համերաշխությունը բերողի առաքելություն իրականացնողի դերում:
Հարցին, թե հետընտրական ցնցումներ հնարավո՞ր են, Էդմոն Մարուքյանը պատասխանեց. «Փորձելու են տանել ցնցումների, բախումների, բայց մեր ռազմավարությունն աշխատելու պարագայում դա էլ չի կարող տեղի ունենալ, քանի որ չեն ունենալու այնքան աջակցություն, որ ասեն՝ ես հաղթել եմ: Հետևաբար համակերպվելու են յուրաքանչյուրն իր 20 տոկոսանոց ձայների հետ, գալու են, խելոք կլոր սեղանի շուրջ նստելու են և ձևավորելու ազգային միասնության կառավարություն:
Փորձեր, բնականաբար, լինելու են, բայց ժողովրդի ձեռքում է՝ այդ ցնցումները կլինեն, թե ոչ, եթե ժողովուրդը չի աջակցում իրեն ցնցումների տանող ուժերի, ցնցումներ ո՞նց կարող է լինել»:
Մանրամասները՝ տեսանյութում:
