07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
Մենք ձեզանից նեղանալու բան չունենք, դուք՝ ունեք․ Փաշինյանը՝ շուռնուխցիներին. ՏԵՍԱՆՅՈՒԹ
Քաղաքականություն
16.06.2021 | 10:41
Երեկ ուշ երեկոյան, քարոզարշավի շրջանակներում Սյունիքում գտնվող վարչապետի պաշտոնակատար, ՔՊ վարչապետի թեկնածու Նիկոլ Փաշինյանը հանդիպեց շուռնուխցիների հետ։
Շուռնուխցիներից մեկը նշեց, որ Փաշինյանը կարծես թե նեղացած է շուռնուխցիներից։ «Ես նեղացած չեմ, ես նեղանալու իրավունք չունեմ, ես ձեր կողքին եմ ու առանձնահատուկ պատասխանատվություն ունեմ Շուռնուխի նկատմամբ»,- ասաց վարչապետի պաշտոնակատարը։
Տեղեկանալով, որ գյուղում այսօր 34 ընտանիք է բնակվում, Փաշինյանը խոստացավ այնպես անել, որ այդ թիվը դառնա 70, հետո՝ 140։ «Հերթով, քայլ առ քայլ առաջ կգնանք, բայց նոր միջավայրում պիտի սովորենք ապրել»,-ասաց Փաշինյանը։
Շուռնուխցիները տեղեկացրին, որ հողերը սեփականաշնորհված չեն։ «Այ տեսնում եք, բա խի՞ չի սեփականաշնորհված։ Ասել են՝ Ադրբեջանի տարածք է, մեկ է հետ ենք տալու, չենք սեփականաշնորհում… Սահմանը հստակ կգծենք, կհասկանանք՝ ինչքան հող կա, հողերը կսեփականաշնորհենք, որ իմանաք սա ձեր հողն է»,- նշեց Փաշինյանը։
Մանրամասները՝ տեսանյութում:
