04.05.2024 | 19:00
Պառակտվածությունը դառն է լինելու, անձնական հաշիվները դրե՛ք մի կողմ ու երկրի մասին մտածեք. Հաղթանակ Շահումյան․ ՏԵՍԱՆՅՈՒԹ
Ինչպես են ՔՊ-ականները մեկնաբանում Սուրեն Պապիկյանի և Դիանա Գասպարյանի աղմկահարույց ձայնագրությունը
Քաղաքականություն
14.06.2021 | 17:11
Հունիսի 13-ին՝ քարոզարշավի 7-րդ օրը, համացանցում հրապարակվեց ՔՊ վարչության նախագահ Սուրեն Պապիկյանի և Էջմիածնի քաղաքապետ Դիանա Գասպարյանի մասնակցությամբ ձայնագրություն, որտեղ Գասպարյանը կարծիք է հայտնում, որ Նիկոլ Փաշինյանը պետք է հեռանա՝ կասկածի տակ դնելով նրա հոգեկան առողջությունը: «Հանուն պետության ինքը պիտի գնա, թող թիմից ուրիշին ընտրեն, թող քեզ ընտրեն, իրան տարել ա արդեն, իրա հոգեկանը չի դիմանում»,- Սուրեն Պապիկյանին դիմելով ասում է Դիանա Գասպարյանը:
Լրագրողներն այսօր ՔՊ-ի քարոզարշավի ընթացքում փորձել են Փաշինյանից և նրա թիմակիցներից այս ձայնագրության վերաբերյալ մեկնաբանություն ստանալ, սակայն Նիկոլ Փաշինյանն ու Սուրեն Պապիկյանը որևէ մեկնաբանություն չեն տվել:
«Իմ քայլը» խմբակցության ղեկավար Լիլիթ Մակունցն այս ձայնագրության հետ կապված քննարկումները անկարևոր թեմա է որակել. «Չափազանց անկարևոր թեմա է այս պահին, և մենք կենտրոնացած ենք քարոզարշավի վրա»:
Էջմիածնի քաղաքապետ Դիանա Գասպարյանը մեր զանգերն անպատասխան թողեց, իսկ ԱԺ փոխխոսնակ Լենա Նազարյանը, Factor TV-ի եթերում անդրադառնալով ձայնագրությանը, նշեց. «Ես չեմ մեկնաբանում գաղտնի ձայնագրած և տեսագրած որևէ բան»:
