30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
«Պատիվ ունեմ» դաշինքը չի բացառում «Հայաստան» դաշինքի հետ կոալիցիա կազմելու հնարավորությունը
Քաղաքականություն
14.06.2021 | 14:22
Քարոզարշավի ընթացքում մեր ռեյտինգի աճն ամենևին դուր չի գալիս այս իշխանություններին, և դա է պատճառը, որ վերջին օրերին, հատկապես մեր դաշինքի ներկայացուցիչների նկատմամբ իրականացվում են քաղաքական ուժեղ ճնշումներ․ այսօր՝ հունիսի 14-ին, կայացած ասուլիսին հայտարարել է «Պատիվ ունեմ» դաշինքի անդամ Արսեն Բաբայանը։
«Դրա ապացույցն է վերջերս Ռուբեն Խլղաթյանի նկատմամբ իրականացվող քաղաքական հետապնդումը, թե, իբր, պարոն Խլղաթյանն ընտրակաշառք է բաժանել կամ դրա հետ առնչություն ունի։ Տևական ժամանակ է, ինչ այս իշխանությունները տարբեր պատրվակներով փորձում են մեզ անդադար հրավիրել քննչական մարմիններ, վեր հանել նոյեմբերից սկսած ինչ-որ քրեական գործեր, որոնցով մինչ օրս որևէ գործողություն չէր իրականացվում», – ասաց Բաբայանը։
Ըստ նրա՝ իշխանությունն անգամ կարող է ընտրությունները կեղծելու մեջ մեղադրել ընդդիմությանը։ Բաբայանը նաև չբացառեց «Հայաստան» դաշինքի հետ կոալիցիա կազմելու հնարավորությունը․ «Ես վստահ եմ, որ այս իշխանություններին հեռացնելու համար մենք դիմելու ենք բոլոր տրամաբանված գործողություններին և իրական եմ համարում նաև «Հայաստան» դաշինքի հետ մեր կոալիցիայի ստեղծումը»։
