12.12.2024 | 21:21
Չնայած Սիրիայի ճգնաժամին՝ Մոսկվան լիարժեք հարաբերություններ է պահպանել Անկարայի հետ․ ՌԴ ԱԳՆ
Չի կարելի սահմանազատման խնդիր քննարկել, երբ ինքնաձիգը դրել են գլխիդ և ասում են՝ արի սահմանները գծենք. ՏԵՍԱՆՅՈՒԹ
Քաղաքականություն
14.06.2021 | 11:33
«Ռազմագերիների հարցի լուծումը միջազգային իրավունքի տիրույթում է. ակնհայտ է, որ մեր արտաքին դիվանագիտական ճակատի ամրացման արդյուքնում ռազմագերիները կարող են վերադարձվել: Այսօր քարոզարշավի ընթացքում լրագրողների հետ զրույցում ասաց «Լուսավոր Հայաստան» կուսակցության ղեկավար, կուսակցության ընտրական ցուցակը գլխավորող Էդմոն Մարուքյանը:
«Ռազմագերիների խնդիրը կարող է արագ լուծվել, եթե երկրի ներսում մենք մեր խնդիրները լուծենք ու արտաքին ճակատում ուժեղանանք»,- նշեց Մարուքյանը՝ ընդգծելով, որ ռազմագերիների վերադարձը ներքաղաքական կյանքում որևէ պարագայում մարդուն գերությունից ազատելը չպետք է շահարկվի:
Խոսելով սահմանազատման գործընթացի մասին, Էդմոն Մարուքյանը նշեց, որ այդ խնդիրը վաղ թե ուշ պետք է իրագործվի, սակայն չի կարելի սահմանազատման խնդիր քննարկել այս իրավիճակում, երբ ինքնաձիգը դրել են գլխիդ ու ասում են՝ եկեք սահմանները գծեք:
«Ադրբեջանը մտել է Հայաստանի տարածք ու ասում է՝ դուրս չեմ գալիս, եթե դուք այս թուղթը չստորագրեք։ Այդ թղթի ստորագրման արդյունքում էլ մենք պարտավորություններ ենք ստանձնում, որ հանձնաժողով ստեղծենք, որով պարտավորվում ենք հանձնաժողովի որոշումները կատարենք։ Իսկ թե հանձնաժողովն ինչ է որոշելու, որևէ մեկը չգիտի, և այս իմաստով ինքնաձիգը մեր գլխին դրած պարտադրում են: Սահմանները պետք է գծվեն, հստակեցվեն, բայց չի կարելի անել ռազմական ճանապարհով, սահմանների գծումը քաղաքացիական գերատեսչությունների գործն է: Այս իմաստով է, որ Ադրբեջանի արարքը որևէ ձևով չի ընկալվում միջազգային հանրության կողմից»,- նշեց Մարուքյանը:
Մանրամասները՝ տեսանյութում:
