25.03.2025 | 21:24
Ռուսներն իրավունք ունե՞ն Անի Խաչատրյանի քաղաքում ակցիաներ անել․ եվրոպամետ «Հանրապետություն» կուսակցության անդամների արձագանքը
ԵՐԵՎԱՆԻ ԺԱՄԱՆԱԿՈՎ․ Ցանկացած կրակոց Հայաստանում մեր պետականության մահն է գուժելու․ Արքմենիկ Նիկողոսյան․ ՏԵՍԱՆՅՈՒԹ
Քաղաքականություն
12.06.2021 | 17:02
«Ապագայի նույնիսկ մեկ ժամվա տեսլական այսօր Հայաստանի քաղաքացիները չունեն։ Սա պետք է քաղաքական ուժերին պատասխանատու դարձներ, բայց քարոզարշավը ցույց է տալիս, որ իրենք էլ այդ տեսլականը չունեն։ Կան խոստումներ, բայց ոչ կոնկրետ լուծումներ, և այս քաոտիկ վիճակը շարունակվելու է։ Քաղաքական ուժերը պետք է իրենց թափ տան և քաղաքագիտական մոտեցումներ ցուցաբերեն»,- Factor.am-ի հետ զրույցում նման տեսակետ է հայտնում գրականագետ Արքմենիկ Նիկողոսյանը։
Նրա համոզմամբ՝ հունիսի 20-ին քաղաքական կրքերը կհասնեն իրենց գագաթնակետին, ուստի մեր երկրի ճակատագրով մտահոգ անձինք պետք է համախմբվեն և բոլոր կողմերին կոչ անեն վրեժ չլուծել և իշխանություն «չփախցնել»։
«Այլապես կստացվի, որ Հայաստանը մի տարածություն է (նույնիսկ ոչ տարածք), որտեղ մարդիկ կռվում են։ Ցանկացած կրակոց Հայաստանում այս շրջանում մեր պետականության մահն է գուժելու։ Քարոզարշավի շրջանում անգամ իմ ճանաչած զուսպ մարդիկ սկսեցին հայհոյել․ սա մեծագույն աղետն էր, որ կարող էր տեղի ունենալ»,- ասում է նա։
Հարցին՝ Հայաստանի համար վճռորոշ այս շրջանում ինչ անելիք ունեն մտավորականները, մեր զրուցակիցը պատասխանում է․ «Հասարակությունը, հատկապես՝ քաղաքական գործիչները, առավել ևս՝ պոպուլիստները, մտավորականներին հիշում են, երբ ցույցեր կան, երբ դժվար իրավիճակ է։ Կարծում եմ՝ անկախությունից ի վեր ոչ ոք այդքան չի վնասել մտավորականներին, որքան այդ պահին գործող իշխանությունը։ Այսօր մտավորականն էլ «նախընտրական սուբյեկտ» է դարձել։ Մտավորականին ասում են՝ ուր ես, այնինչ երկրում ստեղծվել է մի իրավիճակ, երբ նրա գրքերը չեն կարդում, երաժշտությունը չեն լսում, որտեղի՞ց այդ մարդուն հեղինակություն, որ ձայն բարձրացնի, և այդ ձայնն ազդեցիկ լինի»։
Հարցազրույցն ամբողջությամբ՝ տեսանյութում։
Աննա Բաբաջանյան
