Էդմոն Մարուքյանը՝ նախապատրաստվող հետընտրական գործընթացների մասին․ ՏԵՍԱՆՅՈՒԹ

«Լուսավոր Հայաստան» կուսակցության նախագահ Էդմոն Մարուքյանը՝ խոսելով նախապատրաստվող հետընտրական գործընթացների մասին, նշեց, որ  քարոզչության ընթացքում երկու կողմերն էլ պատրաստվում են երկիրը տանել ցնցումների. «Կողմերից որ մեկն էլ հաղթի, մյուս կողմը ընտրությունները համարելու է կեղծված և ժողովրդին հանելու է փողոց»:

Մարուքյանը նշեց, որ արդեն կան փաստեր, որ Երևանում հետընտրական հանրահավաքներ են նախատեսվում:

Նրա խոսքով՝ «Քաղաքացիական պայամանագիր» կուսակցության վարչության անդամ Վահագն Հովակիմյանը Երևանի քաղաքապետարանին դիմել է հունիսի 21-ին, 22-ին, 23-ին և 24-ին Հանրապետության հրապարակում հավաք անցկացնելու վերաբերյալ: Իշխող ուժը ցանկանում է հանրահավաք անել նշված օրերին առավոտյան ժամը 10:00-ից մինչև 22:00-ն: Նշվել է, որ հանրահավաքին յուրաքանչյուր օրը մասնակցելու է 200 հազար մարդ:

Երևանի Ազատության հրապարակում հանրահավաք անցկացնելու մասին քաղաքապետարանին իրազեկել է նաև Ռոբերտ Քոչարյանի ղեկավարած «Հայաստան» դաշինքի անդամ Արամ Վարդևանյանը: Քոչարյանի թիմը նախընտրում է հանրահավաքն անցկացնել հունիսի 20-ին, 21-ին, 22-ին և 23-ին՝ ժամը 00.00-23.00-ին: Քոչարյանի թիմը նախատեսում է, որ հանրահավաքին մասնակցելու է 25 հազար մարդ:

Էդմոն Մարուքյանն ընդգծեց, որ երկրին անհրաժեշտ է համերաշխություն, և կոչ արեց քվեարկել «Լուսավոր Հայաստանի» օգտին և լիազորել համախմբելու անհաշտ ուժերին:

Մանրամասները՝ տեսանյութում: