22.01.2026 | 22:01
ՌԴ պետությունից՝ ռուս գործարարին․ ում է անցել Երևանի մաթեմատիկական մեքենաների գիտահետազոտական ինստիտուտը
Թուրքիայի քաղաքացի 15 կին մահապատժի են դատապարտվել Իրաքում
Քաղաքականություն
26.02.2018 | 14:23
Բաղդադի քրեական դատարանը մահապատժի է դատապարտել Թուրքիայի 15 կին քաղաքացիների, որոնք մեղադրվում են «Իսլամական պետություն» (ԻՊ) ահաբեկչական կազմակերպության անդամ լինելու մեջ: Թուրքիայի քաղաքացի մեկ այլ կին ահաբեկիչ էլ իրաքյան դատարանի կողմից դատապարտվել է ցմահ ազատազրկման: Նշվում է, որ բոլոր մեղադրյալներն ընդունել են իրենց մեղքը. փոխանցում է EH-ն:
2017-ի դեկտեմբերին ԻՊ-ի նկատմամբ հաղթանակ տարած Իրաքում ահաբեկչական կազմակերպության անդամների կամ նրանց ազգական հանդիսացող ավելի քան 560 կին է ձերբակալվել: Փորձագետների կարծիքով Իրաքում ԻՊ-ի անդամ լինելու մեղադրանքով ձերբակալվածների թիվն այս պահին անցնում է 20 հազարը:
Իրաքյան օրենքներով խիստ պատիժներ են սահմանված բոլոր նրանց համար, ովքեր որևէ աջակցություն են ցուցաբերել «Իսլամական պետություն» ահաբեկչական կազմակերպությանը: Կարող են մահվան դատապարտվել նույնիսկ ԻՊ անդամ հանդիսացող, սակայն ահաբեկչական կազմակերպության կողմից ակտիվ ռազմական գործողություններին չմասնակցած անձինք:
