Հայաստանի ժողովրդավարությունն են թիրախավորել, ոչ թե Փաշինյանին, Բաբաջանյանին կամ ուրիշին․ Բաբաջանյան. ՏԵՍԱՆՅՈՒԹ

«Մենք գտնվում ենք գողապետության որջերից մեկում. Արտաշատը հայտնի է շատ ու շատ քրեական պատմություններով, քրեական հեղինակություններով… «Մկները, ձկները, տարատեսակ այլ կենդանիներ ու սողուններ» փորձում են ռեինկարնացիայի ենթարկել իրենց մտադրությունները: Վստահ եմ՝ մեր ժողովրդի կամքը, իմաստնությունն ու վճռականությունը թույլ չի տա, որ օձն իր պորտով, մուկն իր մտադրություններով, իրենց խնամիներով ու բաջանաղներով ոտնձգեն Հայաստանի ապագայի դեմ: Տեսնում ենք, որ այս շրջանակները, անպատիվները, Հայաստանը կեղեքած հանցագործները Հայաստանի ժողովրդավարությունն են թիրախավորել, ոչ թե Փաշինյանին, Բաբաջանյանին կամ ուրիշին»,- այս մասին այսօր նախընտրական քարոզարշավի շրջանակներում Արտաշատում քաղաքացիների հետ հանդիպման ժամանակ նշեց «Բաբաջանյան-Շիրինյան» դաշինքի առաջնորդ Արման Բաբաջանյանը:

«Հայաստանի համար ժողովրդավարությունն իմունիտետ է, դիմադրողունակություն է: Կան շրջանակներ, որոնց Հայաստանը պետք է առանց դիմադրողունակության, որպեսզի գան և հանգիստ նվաճեն, ասպատակեն մեր երկիրը, որպեսզի թշնամու հետ գործակցելով, արտաքին սպառնալոիքներ ստեղծելով՝ գնան հյուսիսներ և օգնություն աղերսեն՝ փոխանակ Հայստանում կենտրոնանալու պաշտպանական կարիքների վրա:

Նորօրյա «նատաշաները»՝ վանեցյանների տեսքով, «մատրյոշկաները»՝ քոչարյանների ու իր նազիր-վեզիրների տեսքով, պետք է դուրս շպրտվեն մեր քաղաքական ներկապնակից»,- ընդգծեց Բաբաջանյանը:

Նրա խոսքով՝ պետք է գնահատականներ տրվեն, որոնք իրերն իրենց տեղը կդնեն. «Եթե Ռ. Քոչարյանը և իր հանցակիցներն այսօր մասնակցում են ընտրություններին, դա ոչ թե նրանց ուժի մասին է խոսում, այլ Ն. Փաշինյանի և նրա կառավարության թուլության մասին: Մենք ույլ չենք տալու, որ այդ թուլությունը շարունակվի: Անելու ենք ամեն ինչ, որ այս հանցագործները սողոսկելու և մեր երկրի առողջացումն ու արդիականացումը խոչընդոտնելու շանս չունենան»:

Մանրամասները՝ տեսանյութում: