31.10.2026 | 22:55
Հայտնաբերվել է զինծառայողի դի. ՊՆ
Այդ ձայնագրությունը Վանեցյանը չի տվել Սերժ Սարգսյանին. Արմեն Աշոտյան. ՏԵՍԱՆՅՈՒԹ
Քաղաքականություն
11.06.2021 | 13:29
Սերժ Սարգսյանը, ներկայացնելով Նիկոլ Փաշինյանի մասին իր խոստացած ձայնագրությունը, հայտարարել էր, որ բարի մարդ է իրեն փոխանցել այն: Այդ «բարի մարդը» արդյո՞ք ԱԱԾ նախկին տնօրեն Արթուր Վանեցյանն է, որն աշխատել է Նիկոլ Փաշինյանի հետ: Այսօր հրավիրված ասուլիսում անդրադառնալով Factor.am -ի այս հարցին՝ «Պատիվ ունեմ» դաշինքի ներկայացուցիչ, ՀՀԿ փոխնախագահ Արմեն Աշոտյանը նշեց. «Ես ինչքան շփվել եմ Արթուր Վանեցյանի հետ, ինքն իրոք բարի մարդ է, բայց այս դեպքի հետ կապ չունի հաստատ: Բարի է, բայց ինքը չի փոխանցել ձայնագրությունը»:
Աշոտյանն անդրադարձավ նաև շրջանառվող այն տեսակետին, որ այս ձայնագրության հրապարակումն ավելի շատ օգնեց Փաշինյանին, և կարծես Սերժ Սարգսյանը Նիկոլ Փաշինյանի թաքնված փիարն է անում: Նա այդպիսի խոսակցությունները, որոնք տեղավորվում են «Նիկոլը Սերժի մարդն է» արտահայտության համատեքստում, ոչ միայն բամբասանքներ որակեց, այլ ավելին՝ զառանցանք, և նշեց, որ հիմնականում «Նիկոլից հիասթափված, նախկին նիկոլականներն են այդպիսի կարծիք արտահայտում»:
Մանրամասները՝ տեսանյութում:
