17.09.2026 | 12:56
Երկրաշարժ Շողակաթ գյուղից 3 կմ հարավ-արևելք
Քաղաքացիական բախումների փորձեր կլինեն. Արմեն Աշոտյան. ՏԵՍԱՆՅՈՒԹ
Քաղաքականություն
11.06.2021 | 12:39
Տիկին Լենա Նազարյանը վերջերս որդի է ունեցել. Ես երազում եմ, որ Հայաստանում լինի այնպիսի իշխանություն, որ տիկին Նազարյանի որդին երբեք գերության մեջ չհայտնվի ու երբեք այդ իշխանությունն իր որդու հասցեին նման անբարոյական հայտարարություններ չանի: Այս մասին, այսօր մամուլի ասուլիսի ժամանակ նշեց ՀՀԿ փոխնախագահ Արմեն Աշոտյանը՝ նշելով, որ չի ուզում Լենա Նազարյանի որդին կրի իր մոր քաղաքական մեղքերի ծանրությունը:
«Ես երազում եմ, որ նրա որդին մնացածի որդիների նման գնա ծառայության, ունենա թասիբով, ուժեղ, պլոճիկով իշխանություն, ոչ թե ֆալցետով հանրապետությունով մեկ ճղճղացող իշխանություն»,- ասաց նա:
Աշոտյանն անդրադառնալով Նիկոլ Փաշինյանի հայտարարություններին վենդետաների մասին, նշեց, որ նա փորձում է հրահրել պատերազմ երկրի ներսում, բայց դա չի իրեն հաջողվելու. «Եղբայրասպան պատերազմ Հայաստանում չի լինելու: Քաղաքացիական բախումների, սադրանքների փորձեր կլինեն: Ես կոչ եմ անում ժողովրդին լինել մաքսիմալ զուսպ ու պատասխանատու»,- նշեց Աշոտյանը՝ հավելելով, որ միակ խոչընդոտը Ն. Փաշինյանն է, և նրան պետք է քաղաքական իմաստով ոչնչացնել:
Մանրամասները տեսանյութում:
