19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Գնալու ենք օրենքի դիկտատուրայի ճանապարհով․Փաշինյանը բացատրեց ինչ է նշանակում պողպատյա հեղափոխություն. ՏԵՍԱՆՅՈՒԹ
Քաղաքականություն
11.06.2021 | 11:39
Հայաստանի Հանրապետության վարչապետի պաշտոնակատար Նիկոլ Փաշինյանը Հայաստանի տարբեր մարզերում ունեցած հանդիպումներից հետո արձանագրում է, որ ժողովուրդն ուզում է, որ Հայաստանում գոյություն ունենա ուժեղ ինստիտուցիոնալ իշխանություն, որը երկրում օրենքի անառարկելիության մթնոլորտ կստեղծի:
«Ես հայտարարել եմ, որ առաջիկա խորհրդարանական ընտրություններում պետք է իրականացնենք հեղափոխության երկրորդ փուլը, որը պիտի անվանենք էլի ոչ բռնի, ժողովրդական, բայց այս անգամ ոչ թե թավշյա, այլ պողպատյա հեղափոխություն»,- այս մասին Դիլիջանում նախընտրական հանրահավաքում նշեց ՀՀ վարչապետի պաշտոնակատար Նիկոլ Փաշինյանը։
«Ի՞նչ է նշանակում պողպատյա հեղափոխություն: Դա նշանակում է օրենքի կիրառման ինստիտուտների ուժեղացում, դա նշանակում է օրենքի դիկտատուրա Հայաստանում, և մենք ձեր մանդատով գնալու ենք այդ ճանապարհով: Օրենքի մասին է խոսքը: Ոչ թե բռնության մասին է խոսքը, այլ օրենքի իշխանության մասին է խոսքը: Եվ ես ուզում եմ ասել, որ մենք այսպես ինստիտուցիոնալ ճանապարհով պիտի գնանք շարունակական պետական ինստիտուտների ուժեղացման և օրենքի կիրառման ինստիտուտների ուժեղացման ճանապարհով: Եվ սա այսօր այլընտրանք չունի»,- ասաց Փաշինյանը:
Նրա դիտարկմամբ՝ Հայաստանի լրատվական դաշտն այսօր վերածվել է իսկական աղբանոցի: «Մենք պետք է լրագրողական հանրությանը քաջալերենք, օրենքով որոշակի մեխանիզմներ ստեղծենք, որ ստեղծվեն էթիկայի կանոններ:
Այսօր լրատվական դաշտում գործում են մարդիկ, որոնք ավելի շատ քիլերի են նման, քան թե նման են լրագրողի»,- ասաց նախկին լրագրող Նիկոլ Փաշինյանը:
Մանրամասները՝ տեսանյութում:
