11.09.2026 | 12:14
Վաղինակ Վարդանովը՝ ԱԺ պաշտպանության և անվտանգության հարցերի մշտական հանձնաժողովի փոխնախագահ
Դիակները միանշանակ պետք է պարկերի մեջ լինեին. Անահիտ Ավանեսյան. ՏԵՍԱՆՅՈՒԹ
Հասարակություն
10.06.2021 | 13:49
Պատերազմում զոհված զինծառայողների դիերը իրոք ոչ պատշաճ պայմաններում էին պահպանվում, և դրա համար կոնկրետ անձինք իրենց բացթողնման համար կրել են պատասխանատվություն: Այս մասին լրագրողների հետ զրույցում ասել է առողջապահության նախարարի պաշտոնակատար Անահիտ Ավանեսյանը:
«Տվյալ մասնաճյուղի աշխատակիցները, որոնց պարտականությունն է եղել դիակների պահման պայմանների հսկողությունը, կրեցին համապատասխան հետևանքները՝ իրենց կողմից ոչ ճիշտ, գուցե անփույթ վերաբերմունքի համար: Կընթանա քննություն, ըստ այդմ՝ կլինեն նաև համապատասխան որոշումներ»,- նշեց նախարարը:
Հիշեցնենք, որ վերջին օրերին մեծ աղմուկ էր բարձրացել այն խնդրի շուրջ, որ պատերազմում զոհված զինծառայողների դիերը պահվում են ոչ պատշաճ պայմաններում՝ պարկերի մեջ, հատակին դրված։
Անահիտ Ավանեսյան լրագրողների հետ զրույցում նշեց, որ իրեն զարմացրել են դիակների՝ պարկերում գտնվելու հանգամաքի հետ կապված շահարկումները, և ընդգծեց. «Դիակները միանշանակ պետք է պարկերի մեջ լինեին: Կան դիակների համար նախատեսված հատուկ պարկեր՝ միջազգային չափանիշներով, որոնցով ապահովել ենք մենք, բայց պարկերը ճիշտ կերպով դասավորված չեն եղել: Հատակին դնելու հետ կապված՝ պատշաճ պայման չի եղել, հենց դրա համար էլ կոնկրետ անձինք այդ բացթողման համար կրել են պատասխանատվություն»,- նշեց Ավանեսյանը:
