Քաղաքականություն
09.06.2021 | 13:51Որպես ՀՀ քաղաքացի ներողություն եմ խնդրում մեր ժողովրդից Ռոբերտ Քոչարյանի, Սերժ Սարգսյանի և Նիկոլ Փաշինյանի կողմից վարվող նախընտրական քարոզարշավի ժամանակ օգտագործած բառամթերքի համար: Այսօր հրավիրվածասուլիսում այս մասին հայտարարեց «Արդար Հայաստան» կուսակցության նախագահ Նորայր Նորիկյանը:
«Ես, որպես ՀՀ քաղաքացի, ամաչում եմ, որ Հայաստանը երբևէ կառավարած և Հայաստանը կառավարող քաղաքական լիդերների կողմից նրանց միջև այսպիսի տոնայնության շեշտադրումներով, վիրավորանքներով այսպիսի տրամադրվածությամբ քարոզարշավ է ընթանում: Մենք պետք է իսկապես սթափվենք այդպիսի տրամադրվածությամբ լսելու այդ մարդկանց, որովհետև այդ մարդկանց քարոզչությունը ինձ բերել է մի համոզման, որ դժբախտաբար,այդ մարդիկ կորցրել են բանականության և բարոյականության թույլատրելի կամ հատելի սահմանը: Ինձ համար ընդհանրապես անընդունելի և դատապարտելի է հայ ժողովրդի հետ նման շեշտադրումներով խոսելը:
Ինձ համար Ռոբերտ Քոչարյանի, Սերժ Սարգսյանի անցած ճանապարհը, նրանց օգտագործած բառամթերքը անհասկանալի ու դատապարտելի է, բայց ես հիմա իմ խոսքն ուզում եմ ուղղել Նիկոլ Փաշինյանին:
Նիկո՛լ, դուք պաշտոնապես զբաղեցնում եք ՀՀ գործադիր իշխանության ղեկավարի աթոռը: Չի սազում, մեր ժողովրդին պատիվ չի բերում այդպիսի տոնայնությամբ, այդպիսի շեշտադրումներով հանդես գալ:
3 տարի ժամանակ ունեիք, որ այսօրվա քաղաքական դիակներին վերակենդանացնելու փոխարեն նրանց պատասխանատվության հարցը լուծեիք, ՀՀ-ում վերականգնել օրինականության գործընթացը, ստեղծել առողջ միջավայր»:
Մանրամասները՝ տեսանյութում:
