17.12.2025 | 20:56
ՔՊ-ում կռիվ է ընկել․ ինտրիգներ՝ ընտրական ցուցակի ձևավորման շուրջ. ՏԵՍԱՆՅՈՒԹ
Ոչ մեկի մտքով չպիտի անցնի, որ ուժի, վարչական ռեսուրսի կիրառմամբ կարող է պահել կամ զավթել իշխանություն. ՏԵՍԱՆՅՈՒԹ
Քաղաքականություն
09.06.2021 | 13:17
ՀՀ արտահերթ խորհրդարանական ընտրություններում հաղթելու դեպքում «Արդար Հայաստան» կուսակցությունը նպատակ ունի վերականգնել օրինականության գործընթացը, ստեղծել առողջ միջավայր: Այս մասին մամուլի ասուլիսին ասաց «Արդար Հայաստան» կուսակցության նախագահ Նորայր Նորիկյանը:
«Արդար Հայաստան» կուսակցության նախագահ ակնկալում է, որ քարոզարշավի ընթացքում քաղաքական ուժերը դրսևորեն լրջախոհություն, սթափություն, հավասարակշռվածություն և հանրության հետ խոսելիս ներկայացնեն ռազմավարական ծրագրերը, որոնք միտված կլինեն մի շարք հարցերի լուծմանը:
«Շատ լավ հասկանում ենք, որ նախորդ իշխանությունների, հատկապես Ռոբերտ Քոչարյանի և Սերժ Սարգսյանի անփառունակ գործունեության հետևանքով է Նիկոլ Փաշինյանը եկել իշխանության… Ինձ հետաքրքրում է, թե ում է իրեն մրցակից համարում գործող վարչապետը՝ ամբաստանյալների՞ն, հանցագործների՞ն, բանդիտների՞ն: Ինչքան քաղաքական դիակ կար, դարձան քաղաքականության մեջ կենսունակ…
Հայաստանյան էլիտան երրորդ հանրապետության կառավարման ժամանակահատվածում պղծել և այլակերպել է ուժեղ լինելու չափանիշը: Եթե չես թալանել, կոռուպցիայի մեջ ընկղմված չես եղել, ընտրական գործընթացների վրա ապօրինի և ոչ ֆորմալ ազդեցություններ չես գործադրել, ուրեմն ուժեղ չես: Այլ կերպ ասած այս երկրում ուժեղը հանցագործն է: Գիտելիքը, կրթությունը, քաղաքական մտքի առկայությունը ստորադասվում են:
«Արդար Հայաստանն» ուզում է փոխել ուժեղի չափանիշը Հայաստանում՝ հենց համերաշխության մթնոլորտի ձևավորմամբ…
Մեր ժողովուրդը չպետք է հանդուրժի նոր Մարտի 1, որևէ մեկի մտքով չպետք է անցնի կրակել, որևէ մեկի մտքով չպետք է անցնի, որ ուժի, բռնության, վարչական ռեսուրսի կիրառմամբ կարող է պահել կամ զավթել իշխանությունը»,- նշեց Նորիկյանը:
Մանրամասները՝ տեսանյութում:
