19.11.2024 | 10:29
Նավթի գներն աճել են
Այս իշխանությանը գերիների հարցն ընդհանրապես չի հետաքրքրում․որևէ ժամկետ չեն նշում․Դավիթ Հարությունյան. ՏԵՍԱՆՅՈՒԹ
Քաղաքականություն
09.06.2021 | 12:56
Գերիների խնդիրն այս իշխանությանն ընդհանրապես չի մտահոգում, երբեք չի մտահոգել»,- այս մասին այսօր հրավիրված ասուլիսում ասաց «Պատիվ ունեմ» դաշինքի ընտրական շտաբի ղեկավար Դավիթ Հարությունյանը: Ըստ նրա՝ իշխանությունը գերիների հարցն անտարբերության է մատնել:
«Ուշադրություն դարձրեք այն հանգամանքին, որ նոյեմբերյան հայտարարության մեջ բոլոր հարցերին անդրադարձ է կատարված հստակ ժամանակացույցով, բայց գերիների հարցին շատ ընդհանուր տերմինաբանությամբ է անդրադարձ կատարվել: Այսինք՝ երբ խոսքը վերաբերում է հողերը վերադարձնելուն, այս իշխանությունը հստակ պարտավորություններ է վերցնում ու ժամկետներ ամրագրում, երբ խոսքը վերաբերում է գերիներ վերադարձնելուն, որևէ ժամկետ չեք գտնի», – նշեց Հարությունյանը:
Նա նաև հավելեց, որ նույն ձեռագիրն է հետագա ողջ գործունեության ընթացքում. «Հունվարյան հայտարարության մեջ ևս որևէ խոսք չկա գերիների մասին… Գերիներին մատնել են անտերության»,- ընդգծեց Հարությունյանը:
