Քաղաքականություն
23.02.2018 | 18:19«Ձեր ցավակցական խոսքերով դուք ձեռ եք առնում մեզ բոլորիս»,- անդրադառնալով Մարտի 1-ի դեպքերին` ԱԺ-ում հայտարարեց «Ելք» խմբակցության ղեկավար Նիկոլ Փաշինյանը․ «Մարտի 1-ի գործի առաջին իսկ օրից զոհերը, բացի Համլետ Թադևոսյանից և Տիգրան Աբգարյանից, ներկայացված են որպես զանգվածային անկարգության մասնակիցներ»։
Փաշինյանի խոսքով իշխանություններն այդ քայլին գնացել են, որպեսզի ցույց տան, որ իրենք ճիշտ են վարվել սպանություններն իրականացնելով, քանի որ այդ մարդիկ հանցանք էին կատարում․ «Փորձ է արվում ներկայացնել, որ Ռոբերտ Քոչարյանը քխն ա, բոբոն ա, Սերժ Սարգսյանն էլ չէր կարող ոչ մի բան անել։ Չհասկացա՞, Սերժ Սարգսյանը կարո՞ղ ա Ժեկի պետն էր, նա ՀՀ-ի վարչապետն էր և իշխող կուսակցության ղեկավարն էր։ Նա ուզում էր որևէ բան կանգնեցնել չէ՞ր կարողանում»,- հարց ուղղեց Փաշինյանը։
Նրա խոսքով արյունալի դեպքերի թիվ 1 պատասխանատուն Սերժ Սարգսյանն է: «Ռոբերտ Քոչարյանն իր համար չէր արյուն հեղում, այլ Սերժ Սարգսյանի համար և եթե նա այդ արյունը չէր ուզում, մինչև հիմա թող Բ26-ում նստած չվայելեր՝ Մարտի 1-ի զոհերի հարազատներին, քաղբանտարկյալներին, Հայաստանի քաղաքացիներին ձեռ առնելով»,- վրդովված ասաց ընդդիմադիր պպատգամավորը։
