19.12.2025 | 23:10
Պետությունը շարունակելու է աշխատանքներ իրականացնել սոցբնակարանային ֆոնդի ընդլայնման ուղղությամբ. ԱՍՀ նախարար
Մի նորություն ասեմ. մենք դրախտում ենք ապրում, ժողովուրդ. Նիկոլ Փաշինյան. ՏԵՍԱՆՅՈՒԹ
Քաղաքականություն
08.06.2021 | 13:12
Մենք դրախտում ենք ապրում, բայց մինչև հիմա ի վիճակի չենք եղել և այսօր էլ չենք մեր դրախտը վայելել։ Այս մասին այսօր՝ հունիսի 8-ին, Արագածավան համայնքում՝ «Քաղաքացիական պայմանագիր» կուսակցության քարոզարշավի ժամանակ հայտարարեց վարչապետի պաշտոնակատար, ՔՊ-ի վարչապետի թեկնածու Նիկոլ Փաշինյանը։
«Ես ուզում եմ ձեզ մի նորություն ասել՝ մենք դրախտում ենք ապրում, ժողովուրդ: Այս միտքը ծագում է շատ հաճախ, երբ ես Հայաստանի տարբեր հատվածներով շրջագայելու առիթներ եմ ունենում։ Անցնում եմ տարածքներով, որտեղով նախկինում չեմ անցել կամ, տարածքներով, որոնք նախկինում չեմ նկատել։ Մենք դրախտում ենք ապրում, բայց մինչև հիմա ի վիճակի չենք եղել և այսօր էլ չենք մեր դրախտը վայելել։ Սա իրականում Ավետյաց երկիր է։ Մենք ապրում ենք Եդեմի այգում, որի մեծ մասն անմշակ է։ Եվ մենք, ապրելով դրախտում, ի վիճակի չենք եղել մեր հայրենիքը մեզ համար դրախտ դարձնել։ Մենք, ապրելով մեծ երկրում, չենք նկատել, որ ապրում ենք մեծ երկրում»,- նշեց Փաշինյանը:
Նա նաև հիշեցրեց, որ 2015-ին, երբ Սինգապուրի վարչապետը եկել էր Հայաստան, ասել է՝ դուք մեծ երկիր եք, ձեր խնդիրներն ուրիշ են: «Եվ այդ նախադասությունն ինձ ցնցեց: Նրա երկրի տարածքը 720 քմ է, որը Սևանա լճի մակերեսի 58 տոկոսն է: Եվ այդ երկիրը աշխարհի ամենամեծ ՀՆԱ ունեցող և բարեկեցիկ երկիրն է»:
Մանրամասները՝ տեսանյութում:
